+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

SQO-da 15 medıtsına qyzmetkeri memlekettik nagradamen marapattaldy

2020 jylǵy 8 shilde 20:45
Bólisińiz:
SQO-da 15 medıtsına qyzmetkeri memlekettik nagradamen marapattaldy

PETROPAVL. QazAqparat – Soltústik Qazaqstan oblysynda búgin koronavırýs ınfektsııasymen kúreste aldyńǵy shepte júrgen medıtsına qyzmetkerleri - dárigerler, medbıkeler, sanıtarlar, feldsherler jáne jedel járdem kóliginiń júrgizýshileri memlekettik nagradalarmen marapattaldy, dep habarlaıdy QazAqparat tilshisi.

SQO ákimi baspasóz qyzmetiniń málimetinshe, medıtsına qyzmetkerlerine joǵary memlekettik nagradalardy Prezıdenttiń atynan óńir basshysy Qumar Aqsaqalov tabys etti.

Dárigerler, medbıkeler, sanıtarlar, feldsherler jáne jedel járdem qyzmetiniń aldyńǵy shepte jumys istep jatqanyna tórt aıdan asty.

«Infektsııany juqtyrǵandar sany kóbeımese, ázirge azaıar emes. Medıtsına qyzmetkerlerine artylǵan júk aýyr. Sizderdiń kópshiligińiz demalyssyz jumys istep, aıyna 300 saǵattan artyq eńbek etip jatyrsyzdar. Bul óte aýyr. Sizderdiń arqalaryńyzda oblysta 545 adam táýir boldy, bul – shamamen jalpy aýyrǵandardyń úshten biri. Basqalardyń ómirine arasha túsem dep 87 medıtsına qyzmetkeri koronavırýsty ınfektsııany juqtyrdy. Olardyń tezirek táýir bolýyna tilektespiz», - dedi oblys ákimi.


Petropavl qalalyq birinshi aýrýhanasy bas dárigeriniń mindetin atqarýshy Botagóz Súleımenova «Parasat» ordenimen, osy aýrýhananyń dárigeri - Alekseı Levtsov pen bas medbıbisi – Natalıa Polıtsına jáne №3 qalalyq aýrýhanasynyń dárigeri Abylaıhan Baıandın «Qurmet» ordenimen, taǵy jeti adam «Eren eńbegi úshin», «Shapaǵat» medaldarymen jáne tórt adam QR Qurmet gramotasymen marapattaldy.

«Qazirgi ýaqytta Memleket basshysy medıtsına qyzmetkerlerine zor senim artyp otyr. Árqaısyńyz azamattardyń ómirin saqtap qalý jolynda bar kúsh-jigerlerińizdi jumsap jatqandaryńyz úshin qurmet pen alǵysqa laıyqsyzdar. Sizderge myqty densaýlyq, sáttilik, ıgilik jáne tózim tileımin!», - dedi Qumar Aqsaqalov.

Buǵan deıin SQO ákimi Qumar Aqsaqalovtyń onlaın brıfıng ótkizip, jedel járdem brıgadalaryna júktemeniń eselengenin aıtqan edi.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT