SQO-da 130 myń teńge para aldy degen kúdikpen aýyl ákimi ustaldy
2022 jylǵy 30 maýsym 16:25

SQO-da 130 myń teńge para aldy degen kúdikpen aýyl ákimi ustaldy

PETROPAVL. QazAqparat – Soltústik Qazaqstan oblysynda 130 myń teńge para aldy degen kúdikpen aýyl ákimin sybaılas jemqorlyqqa qarsy qyzmet ustady, dep habarlaıdy QazAqparat tilshisi.

SQO ákimi Qumar Aqsaqalov ortalyq kommýnıkatsııalar qyzmetinde sársenbi kúni ótken brıfıngte Esil aýdany Spasovka aýyldyq okrýgi ákiminiń ustalǵanyn rastaǵan edi.

«Iıa, aldyńǵy kúni ony ustady. Qazir ol qylmysyn moıyndap, túsinik berip jatyr. Tergeýmen kelisimge keldi. Bul isti tezdetedi. Árıne, ol jaýapkershilikke tartylady», - dedi SQO ákimi.

SQO prokýratýrasynyń málimetinshe, oblystyń sybaılas jemqorlyqqa qarsy qyzmeti 26 maýsym kúni Esil aýdany Spasovka aýyldyq okrýginiń ákimi Azamat Joldaıaqovty 130 myń teńge para alǵany úshin ustaǵan.

Sol kúni vedomstvo qyzmetkerleri tintý barysynda aqshany taýyp, tárkiledi. Joldaıaqov zańǵa sáıkes kúdikti dep tanyldy.

Qazirgi ýaqytta qylmystyq is boıynsha sotqa deıingi tergeý júrip jatyr. Іstiń anyq-qanyǵy tergeý tolyq aıaqtalǵan soń belgili bolmaq.

Esil aýdandyq ákimdiginiń resmı saıtynda Azamat Joldaıaqov jaıynda tolyq aqparat jarııalanǵan. 1982 jyly Kókshetaý qalasynda týǵan er adam Spasovka aýyldyq okrýgine ákim bolyp 2021 jyldyń 14 sáýirinde taǵaıyndalǵan eken.

Buǵan deıin SQO Aıyrtaý aýdanynda erli-zaıypty arasyndaǵy janjaldyń qaıǵyly aıaqtalǵanyn aıtqan edik. Kúıeýi áıelin atyp óltirip, keıin ózine qol jumsady.


Seriktester jańalyqtary

Jańalyqtar

Úrdis

MURAǴAT