+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

SQO-da 1 myń ga jaıylǵan dala órti sóndirildi

2020 jylǵy 21 qazan 11:02
Bólisińiz:
SQO-da 1 myń ga jaıylǵan dala órti sóndirildi

PETROPAVL. QazAqparat – Soltústik Qazaqstan oblysynda dala órti 1 myń gektardan astam alqapqa jaıylyp, mamandar tilsiz jaýmen toǵyz saǵat boıy kúresti, dep habarlaıdy QazAqparat tilshisi.

QR Tótenshe jaǵdaılar mınıstrliginiń resmı ókili Talǵat Ýálıdiń habarlaýynsha, Taıynsha aýdanynda alqaptyń janyp jatqandyǵy jóninde habar 20 qazan saǵat 17.30 shamasynda SQO TJD «Órt sóndirý jáne avarııalyq-qutqarý jumystary qyzmeti» MM Taıynsha aýdany Taıynsha qalasynyń № 14 órt sóndirý bóliminiń baılanys pýnktine túsken. Órt Taıynsha aýdanynyń Jańadáýir jáne Amandyq aýyldary arasynda shyqqan eken.

Oqıǵa ornyna dereý Chkalovo selosynyń № 26 órt sóndirý beketiniń kezekshi qaraýyly shyqty. Órttiń aýqymyn kórgen olar qosymsha kúshter men quraldardyń qajettigin aıtyp, jergilikti atqarýshy organdar, jaqyn mańdaǵy sharýashylyqtardyń órtke qarsy erikti quralymdary habarlandy. Órt sóndirýshiler «Orlınogor orman sharýashylyǵy» KMM ormanshylarymen, jergilikti atqarýshy organdarmen birlesip órtti joıýǵa kiristi.

«Taıysha qalasynan órt ornyna deıingi ara qashyqtyq – 110 shaqyrym, jaqyn mańdaǵy Chkalovo eldimekeniniń órt sóndirý beketinen 45 shaqyrym jatyr. Órtti sóndirý jumystaryn daýyl kúrdelendirdi. Jaqyn mańdaǵy Amandyq jáne Jańadáýir aýyldaryna taralý qaýpi boldy», - deıdi Talǵat Ýálı.

Órtti sóndirýge Taıynsha qalasy № 14 órt sóndirý bóliminiń, Aqmola oblysy «TJD ÓSjAQJQ» MM Zelenyı bor kentiniń № 25 mamandandyrylǵan órt sóndirý bóliminiń qosymsha kúshteri men quraldary, aýdannyń orman sharýashylyǵynyń mamandary, «Ilıchevka Astyq» JShS, «Besqaraǵaı» JShS erikti órt sóndirý jasaqtary, jergilikti turǵyndar keldi. Órtti jaqyn mańdaǵy aýyldarǵa taralmaýy úshin 3 km astam jer jyrtyldy. Jalpy, 61 adam jáne 15 tehnıka, sonyń ishinde órt sóndirý kólikteri, traktorlar, sý tasyǵyshtar, qosymsha kólik jumyldyryldy.

Órt tek 22 qazanda saǵat 01.00-de aýyzdyqtalyp, 02.40-ta tolyǵymen sóndirildi.

Qaza bolǵandar men zardap shekkender joq. Órttiń shyǵý sebebi men keltilirgen shyǵyn anyqtalýda. Órt 1050 gektardy sharpydy.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT