+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

SQO: Arheologtar Altyn Orda dáýirine jatatyn 7 kóne mazardyń ornyn tapty

2019 jylǵy 2 qazan 15:06
Bólisińiz:
SQO: Arheologtar Altyn Orda dáýirine jatatyn 7 kóne mazardyń ornyn tapty

PETROPAVL. QazAqparat - Soltústik Qazaqstan oblysy Ýálıhanov aýdanynda arheologtar tarıhı mańyzy bar kóne mazarlardyń ornyn tapty, dep habarlaıdy QazAqparat.

Uqsas jańalyqtar
Tatarstan ǵalymy: Altyn ordadan bir kezderi Italııaǵa astyq jetkizilip turǵan Ábilqaıyr hannyń Reseı patshaıymy Elızavetaǵa jazǵan haty tabyldy Atlah qalasynyń ornynda barlaý-qazba jumystary júrgiziledi

Ýálıhanov aýdanyndaǵy Sileti ózeniniń boıynda XIV – XV ǵasyrlarǵa jatatyn kóne mazarlardyń orny tabyldy. Bul jerde qyrkúıek aıynan beri M.Qozybaev atyndaǵy SQMÝ men Pavlodar memlekettik pedagogıkalyq ýnıversıtetiniń tarıhshylary qazba jumystaryn júrgizip jatqan bolatyn. Eńbekteri esh ketpeı, ótkennen mol aqpar beretin qundy jádigerlerdiń ústinen tústi.


«Biz Altyn Orda kezeńine jatatyn eskerkishter men jádigerlerdi taýyp, zertteý maqsatynda ekspedıtsııaǵa shyqqan bolatynbyz. Dál osy Sileti ózeniniń jaǵasynda tarıhı eskertkishterdiń bolǵany jaıly kóptegen otandyq zertteýshiler jazyp ketken. Soladyń biri - Álıhan Bókeıhanov. Ol osy aýmaqta syrly kirpishten turǵyzylǵan nysannyń baryn aıtqan. Álkeı Marǵulan da osy eskertkishke qatysty talaı jazba qaldyrǵan», - deıdi qazba jumystaryn júrgizip jatqan arheolog, «Margulan centre» ortalyǵynyń dırektory Tımýr Smaǵulov.


Kóne kesenelerdiń ornyn elimizdegi ataqty arheologtar ashyp otyr. Solardyń biri - Tımýr Smaǵulov. Ol - tanymal ǵalym, orta ǵasyrlar boıynsha maman. Álemge tanylǵan «Úrjar hanshaıymy» tarıhı jádigerin tapqan. Al Anatolıı Pleshakov – soltústikqazaqstandyq professor, Botaı mádenıetin ashýshylardyń biri.


Jarty aıdyń ishinde 100 sharshy metr aýmaq arshyldy. Mamandardyń boljamynsha, jalpy 1000 sharshy metr jerdi alyp jatyr. Qazirdiń ózinde ekspedıtsııa músheleri túrli jádigerlerdi tapty. Іshinde altyn buıymdar da bar.

Tabylǵan tarıhı eskertkish jaıynda SQO ákimi Qumar Aqsaqalov Instagram jelisindegi paraqshasynda jazdy.

«Arheologııa áleminen tarıhı jańalyq jetti. Ýálıhanov aýdanynda arheologtar XIV ǵasyrdaǵy 7 keseneniń úıindilerin tapty. Ǵalymdardyń boljaýynsha, Altyn Orda dáýiriniń mazarlary Joshy han áýletiniń ókilderine tıesili. Altyn áshekeı buıymdary, kirpishti kúıdirý peshteri men sheberhanalar, aryqtar men keramıkalyq ydystardyń qaldyqtary da tabyldy. Altyn Ordanyń 750 jyldyǵy qarsańynda bul oqıǵa rýhanı jáne mádenı mańyzǵa ıe», - dep jazdy Qumar Aqsaqalov.


Bul jańalyq belgili ǵalym Álkeı Marǵulannyń elimizdiń soltústiginde qala mádenıetiniń bar ekeni týraly boljamyn dáleldep otyr.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT