Skandınavııa elderinde árbir ekinshi reıs toqtatyldy
2022 jylǵy 5 shilde 09:24

Skandınavııa elderinde árbir ekinshi reıs toqtatyldy

NUR-SULTAN. QazAqparat – Skandınavııa áýe kompanııasynyń 900-den astam ushqyshy basshylyqpen 8 aıǵa sozylǵan kelissózder aıtarlyqtaı nátıje bermegen soń jumystaryn toqtatty. Ereýilshiler talaptarynyń biri - jalaqyny 30%-ǵa kóterý. Shvetsııa, Danııa jáne Norvegııada árbir ekinshi reıs toqtatyldy, dep habarlaıdy QazAqparat Euronews-ke silteme jasap.

Kompanııa basshylyǵy ereýil «aýyr» qarjylyq shyǵyndarǵa ákelip soqtyrǵanyn, SAS aktsııalary 8%-ǵa tómendegenin málimdedi. Al, Frantsııa men Ispanııanyń áýejaılarynda ereýil jalǵasýda. Air France áýe kompanııasy Rýassıdegi Sharl de Goll áýejaıyndaǵy ereýil saldarynan júgi keshiktirilgen nemese joǵalǵan 17 000 jolaýshydan keshirim surady. Ispanııada jolserikter men easyJet jáne Ryanair basshylary arasyndaǵy teketires kúsheıip barady.

Kásipodaqtar jazǵy demalys qarsańynda áýe kompanııalaryna qysymdy kúsheıtpekshi.


Uqsas jańalyqtar

Jańalyqtar

Úrdis

MURAǴAT