+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Sqaqov: Ekibastuzdyń keshendi damýy tek qana jańa óndirister emes

2021 jylǵy 21 qyrkúıek 12:00
Bólisińiz:
Sqaqov: Ekibastuzdyń keshendi damýy tek qana jańa óndirister emes

NUR-SULTAN. QazAqparat –Úkimet otyrysynda Ekibastuz qalasynyń 2025 jylǵa deıingi keshendi damý jospary qabyldandy. Pavlodar oblysynyń ákimi Ábilqaıyr Sqaqovtyń aıtýy boıynsha qujat 114 is-sharadan turatyn tórt negizgi blokqa bólingen, dep habarlaıdy QazAqparat.

KDJ-yń negizgi tarmaǵynyń biri jeke ınvestorlar úshin ındýstrııalyq aımaq qurý bolyp tabylady. Aıta ketý kerek, jergilikti bılik jospardy júzege asyrýda jeke ınvestıtsııalarǵa úmit artyp otyr. KDJ-ǵy jeke ınvestıtsııalar úlesi 90%-ǵa jýyq.

«Alaıda, Ekibastuzdyń keshendi damýy tek qana jańa óndiristerdiń iske qosylýyn bildirmeıdi. Áleýmettik salada da mańyzdy máseleler bar. Olardy óńir qarajaty esebinen sheshý josparlanyp otyr. Densaýlyq saqatý salasyndaǵy eki iri jobalar pýly kadrlyq áleýetti arttyrý jáne materıaldyq-tehnıkalyq bazany jaqsartýǵa baılanysty. Atap aıtqanda, qalalyq emhanany jańǵyrtý josparlanyp otyr», - dedi Sqaqov.

Bilim berý salasynda barlyq mektepterge kúrdeli jóndeý júrgizý men bala baqshany rekonstrýktsııalaý josparlanyp otyr. 700-den astam balany qamtıtyn shyǵarmashylyq ortalyǵynyń qurylysy bastalady dep kútilýde.

«Qosymsha bilim berýdi damytý dene tárbıesi men sport salasynda da júrgiziledi. Muz aıdyny men 30 sport alańyn salý josparlanýda. Bunyń bári dene tárbıesimen aınalysatyn ekibastuzdyqtardyń sanyn 40%-ǵa arttyrýǵa múmkindik beredi. Mádenıet salasyna keler bolsaq, munda da sala nysandarynyń kúrdeli jóndeýi men qurylysy kútilýde, sondaı-aq, Ekibastuzdyń aýyldyq aımaǵynda mádenıet úıleri boı kóteredi», - dep habarlady Pavlodar oblysynyń ákimi Ábilqaıyr Sqaqov.

Ekibastuzdyń keshendi damý jospary QR Prezıdentiniń tapsyrmasy boıynsha qurastyryldy. Jospardyń negizgi mindetteri – qalanyń otyn-energetıka kesheninen táýeldiliginen aryltý jáne ekonomıkany dekarbonızatsııalaý. Jospardy talqylaýǵa qala turǵyndary men táýelsiz sarapshylar qatysyp, olardyń usynystary qujatqa engizildi.

KDJ-yn júzege asyrýdan kútiletin áser - 700 mıllıard teńgeden astam ınvestıtsııalardyń quıylýy, ónerkásip óndirisiniń kóleminiń deńgeıi 1 trıllıon teńgege deıin ulǵaıýy, ShOB sýbektileriniń sanynyń 10 myńǵa deıin artýy, 16,5 myń jańa jumys oryndarynyń qurylýy jáne t.b.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT