+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

SK-Farmatsııa: Dárige tapshylyqty ony artyǵymen satyp alatyndar týdyryp jatyr

2020 jylǵy 1 shilde 20:55
Bólisińiz:
SK-Farmatsııa: Dárige tapshylyqty ony artyǵymen satyp alatyndar týdyryp jatyr

NUR-SULTAN. QazAqparat – «SQ-Farmatsııa» JShS basqarma tóraǵasy Berik Shárip azamattardy dárihanalardan dári-dármekti artyq satyp almaýǵa shaqyrdy, dep habarlaıdy QazAqparat tilshisi.

Onyń aıtýynsha, dárini qajetti kólemnen artyq satyp alý – dárihanalarda tapshylyqty týyndatyp otyr.

«Ár óńirde ýchaskelik dáriger bar. Sol dárigerden keńes alyp, dári-dármekti tek kerekti jerde, oryndy túrde qoldaný kerek. Óıtkeni dárihanalardaǵy tapshylyq – eń bastysy, keıbir adamdardyń dárini artyq satyp alýynan týyndap otyr. Densaýlyq saqtaý mınıstrligi aldyn ala dárihanalarǵa jetkiziletin preparattardyń sanyn kórip otyr. Adamdar ambýlatorııalyq jaǵdaıda emdelse de dári qory jetkilikti bolýy kerek. Biraq azamattardyń dári-dármekti baqylaýsyz kóptep satyp alýy, árıne tapshylyqqa ákeldi. Óziń aýyrmasań – týǵan-týysqanyń, baýyryń aýyryp jatyr. Dári-dármekti oryndy qoldanyp-aq olarǵa kómek kórsete alar edik», - dedi Berik Shárip «Qazaq radiosy»-na bergen suhbatynda.

Eske sala ketsek, búgin Ortalyq kommýnıkatsııalar qyzmetinde ótken baspasóz máslıhatynda Densaýlyq saqtaý vıtse-mınıstri Lıýdmıla Bıýrabekova dárihanalardan keıbir preparatty halyq jappaı satyp alyp ketkenin habarlaǵan edi.

«Negizgisi ystyq túsiretin – paratsetamol. Jalpy bizdiń elde paratsetamoldyń 80 túri baryn atap ótkim keledi. Ol tabletka kúıinde de, sırop men svecha kúıinde de satylyp jatyr», - dedi vıtse-mınıstr.

Sondaı-aq vıtse-mınıstr baǵany negizsiz ósirgenderge qandaı jaza qoldanylatynyn eskertti.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT