+7 (701) 759 90 19
USD 376.43 EUR 407.11
RUB 5.76 CNY 53.55
Jańalyqtar

«SK-Farmatsııa» basshysy emhanalarǵa jetpeı qalatyn tegin dárilerge qatysty túsinik berdi

2020 jylǵy 22 qańtar 15:55
Bólisińiz:
«SK-Farmatsııa» basshysy emhanalarǵa jetpeı qalatyn tegin dárilerge qatysty túsinik berdi

NUR-SULTAN. QazAqparat – «SK-Farmatsııa» JShS basqarma tóraǵasynyń mindetin atqarýshy Berik Shárip tegin dárilerdiń emhanalarǵa jetpeı qalyp jatqan jaǵdaıyna qatysty túsinik berdi. Eske salaıyq, tegin medıtsınalyq kómektiń kepildik berilgen kólemi aıasynda dárilik zattar men medıtsınalyq buıymdar emhanalarǵa tegin jetkizilýi tıis. Alaıda buǵan qatysty shaǵymdar da barshylyq, dep habarlaıdy QazAqparat tilshisi.

Uqsas jańalyqtar
Aqtaý áýejaıynda koronavırýsqa qarsy oqý-jattyǵý ótti Italııada koronavırýstan ekinshi adam qaıtys boldy Ońtústik Koreıada koronavırýstan tórtinshi adam qaıtys boldy

«Árıne, óńirlerde keıbir kezde josparlaý turǵysynan másele týyndaıdy. Baılanys ortalyǵynyń paıda bolýynyń eń birinshi sebebi de osy. Osylaısha, azamattarmen tikeleı jumys júrgizýdi jolǵa qoıdyq. Keıbir jaǵdaıda medıtsınalyq mekemelerde dári-dármekter bitip qalady. Keıbir medıtsınalyq mekeme kerekti dári-dármek úshin ótinimdi durys bermeı jatady. Sondyqtan, árbir azamattyń baılanys ortalyǵyna (1439 nómiri) habarlasýyna múmkindigi bar», - dedi Berik Shárip Parlament Senatynyń depýtattarymen kezdesý barysynda.

Onyń aıtýynsha, mamandar ár shaǵymdy jeke qarastyryp, máseleni sheshýge tyrysady.

«Árbir shaǵym boıynsha medıtsınalyq mekememen tikeleı habarlasamyz. Ár óńirde ózimizdiń dári-dármek saqtaıtyn qoımamyz bar. Sol qoımadan dári-dármek jiberemiz. ıAǵnı, shaǵym túsken óńirdegi medıtsınalyq mekemege 2-3 kúnniń ishinde dárilik zattar men medıtsınalyq buıymdardy jibere alamyz. Odan bólek sırek kezdesetin dári-dármekke arnalǵan respýblıkada tórt qoımamyz – Almaty, Shymkent, Nur-Sultan men Aqtóbede bar. Osy farmatsevtıkalyq tórt habtaǵy dári-dármekke baılanysty aryz bolsa, tıisti dárini 5-7 kúnde jetkize alamyz», - dedi ol.

Berik Sháriptiń sózine sensek, «SK-Farmatsııa» JShS-nyń veb-saıtynda dárilik zattardyń emhanalardaǵy mólsherin kórýge bolady. ıAǵnı, ár naýqas óz dertine qaraı qandaı dári-dármekti alyp otyr – sol dáriniń ataýyn veb-saıtqa engizip, qalǵanyn nemese qalmaǵanyn kórip otyra alady.


Bizdiń kanalymyzǵa jazylyńyz:

Basty sózder: Medıtsına, Qoǵam,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT