+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Siz qoldanatyn bankte tehnıkalyq irkilis bolsa, ne isteý kerek

2020 jylǵy 28 qazan 16:25
Bólisińiz:
Siz qoldanatyn bankte tehnıkalyq irkilis bolsa, ne isteý kerek

NUR-SULTAN. QazAqparat - Ózińizge qyzmet kórsetiletin banktegi tehnıkalyq irkilisterge baılanysty qarapaıym bank operatsııalaryn júrgize almasańyz, eń bastysy jaǵdaıdy obektıvti túrde baǵalap alyńyz. Osyǵan oraı Fingramota halyqtyń qarjy saýatyn arttyrý jobasy birqatar keńes beredi.

Tehnıkalyq irkilister - jeke kompanııa bolsyn, memlekettik organdar bolsyn nemese ekinshi deńgeıdegi bank bolsyn ár uıymda bolatyn jaǵdaı.

Mundaıda sabyrlyq saqtap, birneshe qarapaıym qaǵıdattardy basshylyqqa alǵanyńyz jón.

Sizdiń «qarjylyq qaýipsizdik jastyqshańyz» bolýy tıis

Ómirde shuǵyl aqsha qajet bolyp qalatyn túrli kózdelmegen jaǵdaılar bolyp turady. Eger shuǵyl túrde aqsha alý kerek bolǵan kezde ózińizge qyzmet kórsetetin banktegi tehnıkalyq irkilis sizdi renjitýi múmkin. Sondyqtan da banktiń jumysyndaǵy irkilisterdiń saldarynan bolatyn qarjylyq qıyndyqtardan ózińizdi ishinara saqtaý úshin «qarjylyq qaýipsizdik jastyqshasynyń» bolýyna kóńil aýdarǵan mańyzdy.

Túrli banktiń keminde 2 bank kartasynyń bolǵany durys, olardyń árqaısysyna qarajattyń qoryn saqtap qoıýǵa bolady. Osylaısha, siz qarjy uıymdarynyń birinde týyndaǵan tehnıkalyq qıyndyqtardy sabyrlyqpen ótkize alasyz. Sonymen qatar, túski as ishý, jolaqysyn tóleý jáne azdaǵan azyq-túlik satyp alý úshin aqsha shuǵyl qajet bolyp qalatyn jaǵdaı úshin qolma-qol aqsha túrindegi biraz somanyń bolǵany durys.

Ádette, banktegi tehnıkalyq irkiliske baılanysty jaǵdaı biraz saǵat, kóp bolǵanda bir kún ishinde sheshiledi. Sondyqtan «qarjy jastyqshasynyń» bolýy sizdi kóptegen problemalardan qutqarady.

Resmı aqparatqa ǵana senińiz

Árbir qarjy uıymynda barlyq jańalyq pen túsindirmeler jarııalanatyn saıty, áleýmettik jelilerde resmı betteri bar. Sonymen qatar, ádette kózdelmegen jaǵdaılar týyndaǵan kezde banktiń baspasóz qyzmeti nemese basshylyǵy respýblıkalyq BAQ-ta resmı málimdeme jasaıdy. Osy aqparatqa senýge bolady. Al messendjerlerdegi habarlamalar men bankke qatysy joq jeke tulǵalardyń málimdemelerine nazar aýdarýdyń qajeti joq. Osyndaı aqparattyń jalǵan bolý yqtımaldyǵy kóp.

Qyraǵy bolyńyz, alaıaqtardan saqtanyńyz

Týyndaǵan tehnıkalyq qıyndyqtardy qarjy alaıaqtary paıdalanýy múmkin, olar sizge banktiń atynan qońyraý shalýy nemese jazýy jáne ózińizdiń jeke derekterińizdi kartochkanyń nómirlerin jáne úsh mándi sáıkestendirý kodtaryn aıtýdy suraýy múmkin. Qandaı jaǵdaıda bolmasyn olarǵa eshqandaı aqparat bermeńiz jáne óz jaqyndaryńyzǵa, ásirese egde jastaǵylarǵa eskertińiz. Bank eshqashan jeke derekterdi talap etpeıdi jáne birinshi bolyp sóılesýge bastama jasamaıdy. Sizge qońyraý shalǵan nómirdi jazyp alyp, ony óz bankińizdiń qaýipsizdik qyzmetine habarlańyz.

Sondaı-aq alaıaqtardan jalǵan aqparattar áleýmettik jeliler nemese messendjerler arqyly taratylýy múmkin. Bógde adamdardan kelip túsetin zańsyz nusqaýlardy qandaı jaǵdaıda bolmasyn oryndamańyz. Bank barlyq kedergilerdi derbes joıady jáne oǵan osyǵan qatysty klıentterdiń kómegi qajet emes!

Kedergiler joıylǵannan keıin barlyq shottaryńyz ben derekterińizdi tekserińiz

Tehnıkalyq jumystar aıaqtalǵannan keıin ózińizdiń shottaryńyzdyń jaǵdaıyn jáne atalǵan jeke derekterdi mindetti túrde tekserińiz. Eger problema nemese qate anyqtasańyz, bankke call-ortalyq nemese mobıldik qosymsha arqyly júginińiz. Sizge mindetti túrde kómek kórsetedi jáne qaıta týyndaǵan máselelerdi joıady.


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT