+7 (701) 759 90 19 Lenta
USD 389.52 EUR 429.21
RUB 6.07 CNY 54.94
Jańalyqtar

Sırııaǵa barǵandardyń birazy tólqujattaryn joǵaltqan - QR SІM

2019 jylǵy 13 mamyr 16:05
Bólisińiz:
Sırııaǵa barǵandardyń birazy tólqujattaryn joǵaltqan - QR SІM

NUR-SULTAN. QazAqparat - Sırııadan qaıtarylǵan adamdardyń birazy tólqujattaryn joǵaltyp alǵan. Bul týraly «Jýsan-2» operatsııasyna qatysty ótken baspasóz máslıhatynda QR Syrtqy ister mınıstriniń orynbasary Erjan Ashyqbaev málim etti, dep habarlaıdy QazAqparat tilshisi.

«Qazaqstandyqtardyń birqatary ózderiniń tólqujattaryn joǵaltqan. Balalardyń basym bóligi budan buryn ILIM/DAISh baqylaýyndaǵy aımaqtardy týǵan bolatyn. Syrtqy ister mınıstrligi jáne shet elderdegi mekemeler operatsııa barysynda konsýldyq -quqyqtyq ári logıstıkalyq qoldaý kórsetti», - dedi E. Ashyqbaev.

Onyń sózine qaraǵanda, QR SІM jáne Ulttyq qaýipsizdik komıteti búkil jumysty múddeli ortalyq jáne jergilikti memorgandar, sondaı-aq úkimettik emes uıymdarmen tyǵyz úılestirý arqyly ótkizdi.

«Endi deradıkalızatsııalaý jáne saýyqtyrý máselelerine erekshe kóńil bóle otyryp, qaıtyp kelgen áıelder men balalardy beıimdeý ári qaıta áleýmettendirý kezeńi bastalyp otyr», - dedi mınıstrdiń orynbasary.

Aıta keteıik, Erjan Ashyqbaev Sırııadan qaıtarylǵan adamdardyń lańkestik qylmystarǵa qatysy barlary jazaǵa tartylatynyn málim etti.

Budan buryn habarlanǵandaı, jaqynda Sırııadan 231 Qazaqstan azamatynyń elge jetkizilýine baılanysty QR Prezıdenti Qasym-Jomart Toqaevtyń málimdeme jasady.

«Meniń tapsyrmam boıynsha 7 jáne 9 mamyr kúnderi Sırııadan 231 Qazaqstan azamaty elge jetkizildi, onyń 156-sy - balalar, deni mektep jasyna deıingiler, sonyń ishinde 18-i - jetim balalar. Bul aýqymdy gýmanıtarlyq aktsııa - Tuńǵysh Prezıdent - Elbasy Nursultan Nazarbaevtyń tapsyrmasymen bıyl qańtar aıynda júrgizilgen «Jýsan» operatsııasynyń jalǵasy», - delingen Memleket basshysynyń málimdemesinde.

Eske salsaq, bıyl qańtarda Elbasy Sırııadan Qazaqstan azamattaryn evakýatsııalaý boıynsha gýmanıtarlyq operatsııaǵa baılanysty málimdeme jasady.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT