+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Sırııadan qaıtarylǵandar lańkestikke qatysy bolsa, jazalanady - Erjan Ashyqbaev

2019 jylǵy 13 mamyr 15:42
Bólisińiz:
Sırııadan qaıtarylǵandar lańkestikke qatysy bolsa, jazalanady - Erjan Ashyqbaev

NUR-SULTAN. QazAqparat - Sırııadan qaıtarylǵan adamdardyń lańkestik qylmystarǵa qatysy barlary jazaǵa tartylady. Bul týraly «Jýsan-2» operatsııasyna qatysty ótken baspasóz máslıhatynda QR Syrtqy ister mınıstriniń orynbasary Erjan Ashyqbaev málim etti, dep habarlaıdy QazAqparat tilshisi.

«7-9 mamyrda áskerı qaqtyǵys bolǵan aımaqtardan 231 qazaqstandyq elge qaıtaryldy. Olardyń ishinde 16 er adam, 59 áıel jáne 156 bala bar. Bul gýmanıtarlyq operatsııa birinshiden qarýly shıelenis aýmaqtarynda bolǵan bizdiń azamattarymyzdy qutqarýǵa, sondaı-aq olardyń balalaryna Qazaqstan Respýblıkasynyń tolyqqandy azamattary retinde beıbit ómir súrýge múmkindik berýdi kózdedi», - dep toqtaldy E. Ashyqbaev.

Onyń sózine qaraǵanda, atalǵan adamdardyń arasynda lańkestik qylmystarǵa qatysy barlar jazaǵa tartylady.

«Lańkestik is-qımyldarǵa jáne zańsyz jaýyngerlik áreketterge qatysqandarǵa toqtalsaq, qylmystarǵa qatystylyǵy dáleldengen jaǵdaıda, olar QR zańnamasyna sáıkes qylmystyq jaýapkershilikke tartylady. Bul gýmanıtarlyq operatsııa AQSh-tyń qoldaýymen júzege asyryldy, sondaı-aq bul jobada Sırııa demokratııalyq kúshteriniń mańyzdy rólin atap ótken jón», - dedi mınıstrdiń orynbasary.

Budan buryn habarlanǵandaı, jaqynda Sırııadan 231 Qazaqstan azamatynyń elge jetkizilýine baılanysty QR Prezıdenti Qasym-Jomart Toqaev málimdeme jasady.

«Meniń tapsyrmam boıynsha 7 jáne 9 mamyr kúnderi Sırııadan 231 Qazaqstan azamaty elge jetkizildi, onyń 156-sy - balalar, deni mektep jasyna deıingiler, sonyń ishinde 18-i - jetim balalar. Bul aýqymdy gýmanıtarlyq aktsııa - Tuńǵysh Prezıdent - Elbasy Nursultan Nazarbaevtyń tapsyrmasymen bıyl qańtar aıynda júrgizilgen «Jýsan» operatsııasynyń jalǵasy», - delingen Memleket basshysynyń málimdemesinde.

Eske salsaq, bıyl qańtarda Elbasy Sırııadan Qazaqstan azamattaryn evakýatsııalaý boıynsha gýmanıtarlyq operatsııaǵa baılanysty málimdeme jasady.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT