+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Sırııadan qaıtarylǵan qazaqstandyqtar týraly spektakldiń premerasy ótti

2019 jylǵy 11 jeltoqsan 10:56
Bólisińiz:
Sırııadan qaıtarylǵan qazaqstandyqtar týraly spektakldiń premerasy ótti

ORAL. QazAqparat – H.Bókeeva atyndaǵy Batys Qazaqstan oblystyq qazaq drama teatrynda «Jýsan» psıhologııalyq dramasynyń premerasy boldy, dep habarlaıdy QazAqparat tilshisi.

Bul – Elbasy tapsyrmasyna sáıkes Qazaqstan azamattaryn Sırııanyń qaqtyǵys aımaqtarynan qaıtarý boıynsha júzege asyrylǵan «Jýsan» operatsııasy týraly qoıylǵan elimizdegi alǵashqy spektakl.

Drama avtory – jas aqyn, «Semser» ádebı syılyǵynyń ıegeri Marlen Ǵılymhan. Bul – onyń osy saladaǵy tyrnaqaldy týyndysy. Óziniń aıtýynsha, shyǵarmany jazý bir bólek te, onyń sahnalanýy da erekshe bolady.

Spektakldi rejısser Samal Ábýov sahnalasa, sýretshisi – Murat Mámbetov.

Qoıylym jat jerdegi soǵysqa baryp, odan «Jýsan» operatsııasy nátıjesinde elge oralǵandardyń taǵdyryn beıneleıdi: qatygez de qarańǵy ómirge tap bolyp, bireýdiń qolyndaǵy qoljaýlyqqa aınalyp, sodan teperish kórgen adamdar. Aldy oqqa ushsa, arty túrmege qamalyp jatqan jastar.

«Jýsan» operatsııasymen elge qaıtqan Qaraqat esimdi jas kelinshekti Juldyz Mamedova somdasa, Quralbek Qatshaev, Salaýat Túmenov, Daryn Muhtarov, Qazaqstannyń eńbek sińirgen qaıratkeri Ásel Mámbetova, Jylqybaı Jubatov, Nazgúl Batanova, Asyljan Jakınder de óz rólderin barynsha nanymdy alyp shyǵa bilgen.

Eń bastysy, spektakl kórermenderdi oılandyrady, abaısyzda ot basýdan saqtandyrady.

«Mundaı óte kúrdeli, ózekti taqyrypqa barý ońaı emes, saqtyqty, úlken daıyndyqty qajet etedi. Osy oraıda teolog mamandarmen de aqyldastyq. Kórermenderdiń qabyldaýy jaman emes, jyly pikirler aıtylyp jatyr. Aldaǵy ýaqytta teatrǵa basqa elderden de rejısserlar kelip, óz spektaklderin qoımaqshy. Mundaǵy maqsat – olardyń da is-tájirıbelerin, sheberlikterin kóre otyryp, teatrdy álemdik deńgeıge qaraı kóterý», - dedi QazAqparat tilshisine teatrdyń bas rejısseri Samal Ábýov.

Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT