Sırııada lańkester avtobýsty jaryp jiberdi
2022 jylǵy 20 qańtar 08:09

Sırııada lańkester avtobýsty jaryp jiberdi

BEIRÝT. QazAqparat - Sársenbi kúni Deraa provıntsııasynyń ortalyǵyna jaqyn jerde (Damaskiden 110 shaqyrym jerde) terrorıster Sırııa qaýipsizdik kúshteriniń qyzmetkerleri mingen avtobýsty jaryp jiberdi. SANA agenttiginiń habarlaýynsha, lańkesterdiń qarýly áreketi nátıjesinde qaýipsizdik qyzmetiniń 12 qyzmetkeri jaralanǵan.

Agenttiktiń habarlaýynsha, jarylǵysh zat avtobýs Saıda aýdanyndaǵy jol ótkeline jaqyndaǵan kezde iske qosylǵan.

Sondaı-aq, úkimet kúshteri men oppozıtsııa jaýyngerleri arasyndaǵy jergilikti tatýlasý týraly kelisimniń júzege asyrylýyna qaramastan eldiń ońtústik óńirlerinde lańkestik áreketter jalǵasýda. Onyń sharttaryna sáıkes, Sırııa bıligi 2021 jyly oppozıtsııalyq toptardyń 7,5 myńnan astam múshesine raqymshylyq jasady, dep habarlady agenttik.


Avtor:
Tilshi

Jańalyqtar

MURAǴAT