+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Sırııada 5 mıllıon bala bosqynǵa aınaldy - BUU

2020 jylǵy 17 qańtar 21:51
Bólisińiz:
Sırııada 5 mıllıon bala bosqynǵa aınaldy - BUU

NUR-SULTAN. QazAqparat - Sırııada segiz jarym jyl boıy júrip jatqan soǵys saldarynan 5 mıllıon bala bosqynǵa aınaldy. Bul týraly BUU-nyń Adam quqyqtary jónindegi keńesi qurǵan Sırııa jónindegi Táýelsiz halyqaralyq komıssııanyń baıandamasynda aıtyldy.

«Shıeleniske qatysyp jatqan taraptardyń barlyǵy soǵys júrgizý erejelerin jáne Bala quqyqtary týraly konventsııany múldem elemeı jatqanyna yzalymyn. Balalardy qorǵaý boıynsha jaýapkershilik eń aldymen, Sırııa Arab Respýblıkasy úkimetiniń moınynda. Alaıda, bul qaqtyǵystyń ózge barlyq qatysýshylary balalardy qorǵaýǵa jáne eldiń bolashaq urpaǵyn saqtaýǵa mindetti», - dep málimdedi Komıssııa tóraǵasy Paýlý Pıneırý.

Baıandamada aıtylǵandaı, úkimetshil kúshter birneshe ret oq-dárilerdi, termobarııalyq bombalardy jáne hımııalyq qarýlardy qoldanyp, saldarynan ondaǵan bala qaza tapty. Eresekterdi de, balalardy da zorlaý qalypty iske aınaldy. Bul rette, seksýaldyq sıpattaǵy zorlyq-zombylyq adamdardyń kemsitý, jazalaý jáne boılaryna qorqynysh uıalatý úshin qasaqana qoldanylýda. Úkimettik kúshter jasóspirimderdi - tipti 12 jasar balalardy da tutqyndap, uryp-soǵyp, azaptap jatyr.

«Al Haııat Tahrır ash-Sham» men DAISh (Qazaqstanda jáne ózge elderde tyıym salynǵan uıym) lańkesteri balalar men jasóspirimderdi aldyńǵy shepte shyǵarýǵa paıdalanady. Olardy darǵa asýǵa qatystyryp, keıde baskeser bolýǵa májbúrlep jatyr. DAISh sodyrlary qyzdardy, tipti toǵyz jasar búldirshinderdi de «seksýaldyq quldyqqa» salýda.

Baıandama avtorlary, sondaı-aq eki mıllıonnan astam sırııalyq balanyń oqýǵa múmkindigi joqtyǵyna alańdaýly. Shıelenis bastalǵan sátten myńdaǵan mektep ǵımaraty qırady.

Bes mıllıon kámelettik jasqa tolmaǵan sırııalyq baspanasynan aıyryldy. Baıandama avtorlary úkimetti olardy qorǵaýǵa shaqyryp, týystary DAISh-pen baılanysqan balalardy otanyna qaıtarýǵa mindetteýdi eske saldy.

«Olar balalarymnyń armanyn talqandady» atty baıandama bes myń bala men onyń týystarymen, kýágerlermen, dárigerlermen, zańgerlermen jáne qarapaıym turǵyndarmen áńgimelesý negizinde jasalǵan. Jınalǵan materıaldar 2011 jyldan 2019 jyldyń qazanyna deıingi aralyqty qamtıdy.


Bizdiń kanalymyzǵa jazylyńyz:

#BUU   #Álem   #Sırııa  
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT