Sırııa boıynsha Astana protsesiniń kezekti 14-raýndy aıaqtaldy

NUR-SULTAN. QazAqparat - Elordada Sırııa boıynsha Astana protsesiniń kezekti 14-raýndy aıaqtaldy, dep habarlaıdy QazAqparat tilshisi.

Uqsas jańalyqtar

Sırııa boıynsha Astana protsesi eń tıimdi alań – Mıýnhen konferentsııasy

Sırııada 5 mıllıon bala bosqynǵa aınaldy - BUU Astana protsesiniń 15-raýndy 2020 jyldyń naýryzynda ótedi Astana protsesiniń kepilger elderi birlesken málimdeme qabyldady

«Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń úzdiksiz qoldaýymen júzege asyrylyp kele jatqan Sırııa boıynsha Astana protsesiniń kezekti 14-raýndy aıaqtaldy. Sońǵy 2 kún ishinde kelissózge qatysýshylar Sırııadaǵy jaǵdaıdy odan ary turaqtandyrýǵa jáne ondaǵy gýmanıtarlyq jaǵdaıdy jaqsartýǵa baǵyttalǵan asa mańyzdy ári mazmundy kelissózder ótkizdi», - dedi kelissózderdiń kezekti raýndyn qorytyndylaǵan QR Syrtqy ister mınıstriniń birinshi orynbasary Shahrat Nuryshev.

Onyń atap ótýinshe, kelissózderdiń bul jolǵy raýndy Astana protsesiniń mańyzdylyǵyn taǵy bir márte dáleldep, kóptegen ózekti máselelerde naqty nátıjelerge qol jetkizildi.

«Búgingi kelissózderdiń barlyq taraptary osynaý nátıjege úles qosty», - dep atap ótti ol.

Osydan keıin Shahrat Nuryshev kepilger elder Iran, Reseı, Túrkııanyń birlesken málimdemesin jarııa etti. Birlesken málimdeme 14 tarmaqtan turady.