+7 (701) 759 90 19
USD 378.36 EUR 411.92
RUB 5.76 CNY 53.92
Jańalyqtar

Sırııa boıynsha Astana protsesiniń kelesi raýndy aqpanda ótýi múmkin - QR SІM

2018 jylǵy 6 aqpan 10:57
Bólisińiz:
Sırııa boıynsha Astana protsesiniń kelesi raýndy aqpanda ótýi múmkin - QR SІM

ASTANA. QazAqparat - Sırııadaǵy jaǵdaıdy retteý boıynsha Astana protsesiniń kelesi raýndyn aqpan aıynyń 20-na taıaý ótkizý josparlanyp otyr. Bul týraly QR Syrtqy ister mınıstri Qaırat Ábdirahmanov málim etti, dep habarlaıdy «QazAqparat» HAA tilshisi.

«Astana protsesiniń kepilger-memleketteriniń ókilderi berip otyrǵan aqparatqa sáıkes, taraptar Astanada kelissózderdiń kezekti raýndyn ótkizýge daıyndyq jumystaryn júrgizip jatyr. Ol shamamen aqpan aıynyń jıyrmasyna qaraı ótýi múmkin. Biraq, bul aqparat kepilger-memleketter tarapynan naqty rastaýdy qajet etedi», - dep atap ótti mınıstr búgingi Úkimet otyrysynan tys tilshilerge bergen suhbatynda.

Eske sala ketsek, Astana protsesiniń kezekti otyrysy 2017 jyldyń 21-22 jeltoqsanynda ótken bolatyn.

Kezdesýdiń qorytyndysyna oraı Iran, Reseı jáne Túrkııa birlesken málimdeme qabyldady. Qujatta bul joly da Sırııadaǵy terrorızmmen kúrestegi jetistikter atalyp, DAISh-qa qarsy kúres jáne atalǵan lańkestik uıymdardan el aýmaǵyn tazartýdaǵy jetistikter aıtylǵan. Sonymen qatar kepilger úsh el terrorıstik uıymdardyń tamyryna túbegeıli balta shabý jáne olardyń ózge de elder men aýmaqtarǵa qonys aýdarýyna jol bermeýdegi túbegeıli sheshimderin rastap otyr.

Sonymen qatar qujatta Sırııanyń barlyq qoǵam ókilderiniń qatysýymen 2018 jyldyń 29-30 qańtary aralyǵynda Sochıde ótetin Sırııalyq ulttyq dıalog kongresine daıyndyq jáne ony ótkizý barysyndaǵy tyǵyz ózara is-qımyl atalyp ótken. Iran, Reseı jáne Túrkııa Sırııanyń Úkimet jáne oppozıtsııa ókilderin belsendi yntymaqtastyqqa shaqyrady.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT