+7 (701) 759 90 19
USD 414.46 EUR 451.35
RUB 5.77 CNY 58.12
Jańalyqtar

Sınoptıkter tótenshe jaǵdaıǵa qaramastan qalypty rejimde jumys isteıdi

2020 jylǵy 2 sáýir 18:21
Bólisińiz:
Sınoptıkter tótenshe jaǵdaıǵa qaramastan qalypty rejimde jumys isteıdi

NUR-SULTAN. QazAqparat – Sınoptıkter tótenshe jaǵdaıǵa qaramastan qalypty rejimde jumys isteıdi, dep habarlaıdy QazAqparat Qazgıdromettiń baspasóz qyzmetine silteme jasap.

Dúnıejúzilik meteorologııalyq qyzmet (DMU) dırektory COVID-19 pandemııasyn aldyn alý sharalary búkil álem boıynsha aýa raıy boljamynyń dáldigine teris áserin tıgizedi dep málimdegen. Alaıda QR Ekologııa, geologııa jáne tabıǵı resýrstar mınıstrliginiń «Qazgıdromet» RMK baqylaýdy úzdiksiz júrgizip jatqanyn habarlaıdy.

2020 jylǵy 16 naýryzdan bastap Qazaqstan Respýblıkasynda tótenshe jaǵdaı engizildi, osyǵan baılanysty barlyq áleýmettik-ekonomıkalyq salalardyń jumysy toqtatyldy, alaıda «Qazgıdromet» RMK baqylaý jelisinde jumys, 328 meteostansa, 352 gıdrologııalyq beket, 140 ekologııalyq bekette eldegi tótenshe jaǵdaıǵa qaramastan baqylaý júrgizedi.

«Búgingi tańda Qazaqstan aýmaǵynda kóktemgi sý tasqyny jáne qardyń qarqyndy erýi, ózenderdegi sý deńgeıiniń kóterilýi jáne eldi mekenderdi sý basý qaýpiniń joǵary bolýy boıynsha belsendi jumystar júrgizilýde, Qazgıdromet qyzmetkerleri táýlik boıy burynǵy rejimde eńbek etedi, engizilgen tótenshe jaǵdaı qysqa merzimdi, uzaq merzimdi aýa raıy boljamdary men gıdrologııalyq boljamdar sapasyna áser etpeıdi.

Baqylaý jelisinen alynǵan naqty derekter men aýa raıy boljamdary bekitilgen algorıtm boıynsha memlekettik organdarǵa, komıtetterge jáne elimizdiń basqa da tynys-tirshiligin qamtamasyz etetin qurylymdarǵa jiberiledi, sondaı-aq aqparat Qazgıdromet resmı saıtynda jáne áleýmettik jeli paraqshalarynda qol jetimdi», delingen habarlamada.


Bizdiń kanalymyzǵa jazylyńyz:

Basty sózder: Qazgıdromet, Karantın,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT