Jańalyqtar  >
  Qoǵam
Sınoptıkter eskertýi: Batysta 39 gradýs ystyq, soltústikte úsik júredi
2022 jylǵy 17 tamyz 18:30

Sınoptıkter eskertýi: Batysta 39 gradýs ystyq, soltústikte úsik júredi

NUR-SULTAN. QazAqparat – 18 tamyzda aýa raıynyń buzylýynan birneshe óńirde eskertý jarııalandy, dep habarlaıdy QazAqparat «Qazgıdrometke» RMK-ǵa silteme jasap.

Atap aıtqanda, Aqmola oblysynyń soltústik-shyǵysynda túnde tuman kútiledi. Soltústikten, soltústik-shyǵystan jel soǵady, oblystyń soltústiginde, shyǵysynda kúshi 15-20 m/s artady. Oblystyń batysynda túnde topyraq betinde 1 gradýs úsik júredi.

Qyzylorda oblysynda jel soltústik-shyǵystan soǵady, tańerteń jáne kúndiz óńirdiń ortalyǵynda ekpini 15-20 m/s jetedi. Oblystyń basym bóliginde tótenshe órt qaýpi saqtalady.

Kúndiz Qaraǵandy oblysynyń soltústiginde naızaǵaı oınap, soltústik-batystan jel soǵady. Kúndiz óńirdiń soltústiginde, shyǵysynda ekpini 15-20 m/s artady.

Kúndiz Ulytaý oblysynyń ońtústiginde, shyǵysynda soltústik-shyǵystan jel soǵady, ekpini 15-20 m/s jetedi.

18-20 tamyzda Jambyl oblysynyń ońtústik-batysynda, soltústik-shyǵysynda, taýly aýdandarda jeldiń jyldamdyǵy 15-20 m/s kúsheıedi.

Atyraý oblysynyń batysynda jáne ortalyǵynda ońtústik-shyǵystan jel soǵady, kúndiz ekpini 15-20 m/s quraıdy. Kúndiz 39 gradýs qatty ystyq bolady. Oblystyń batysynda tótenshe órt qaýpi saqtalady.

Kúndiz Mańǵystaý oblysynyń soltústiginde, ortalyǵynda shańdy daýyl kútiledi. Jel ońtústik-shyǵystan soǵyp, kúndiz óńirdiń soltústiginde, soltústik-batysynda, ortalyǵynda kúshi 15-20 m/s artady. Kúndiz oblystyń basym bóliginde 38 gradýs qatty ystyq bolady. Óńirdiń ońtústiginde tótenshe órt qaýpi saqtalady.

Kúndiz Aqtóbe oblysynyń soltústik-shyǵysynda shyǵystan, soltústik-shyǵystan jel soǵady, ekpini 18 m/s quraıdy.

Batys Qazaqstan oblysynda jel soltústik-shyǵystan, shyǵystan soǵady, kúndiz oblystyń batysynda ekpini 15-20 m/s artady. Kúndiz óńirdiń ońtústiginde 37 gradýs qatty ystyq bolady. Oblystyń ońtústiginde óte joǵary órt qaýpi kútiledi.

Túnde Abaı oblysynyń batysynda, soltústiginde tuman bolady. Jel soltústik-batystan soǵady, kúndiz ekpini 15-20 m/s jetedi. Besqaraǵaı aýdanynda tótenshe órt qaýpi saqtalady.

Túnde Shyǵys Qazaqstan oblysynyń soltústiginde tuman boljanady. Jel soltústik-batystan soǵady, kúndiz oblystyń soltústik-batysynda, soltústiginde, shyǵysynda jyldamdyǵy 15-20 m/s artady. Túnde oblystyń soltústik-shyǵysynda, shyǵysynda 2 gradýs úsik júredi.

Kúndiz Pavlodar oblysynyń soltústiginde naızaǵaı oınap, soltústik-batystan jel soǵady, kúndiz oblystyń soltústiginde ekpini 15-20 m/s quraıdy.

Soltústik Qazaqstan oblysynyń batysynda, shyǵysynda naızaǵaı kútiledi. Túnde oblystyń batysynda topyraq betinde 2 gradýs úsik júredi. Soltústikten jel soǵady, kúshi kúndiz 15-20 m/s artady.

Túrkistan oblysynyń soltústiginde, batysynda, taýly jáne taý bókterli aýdandarynda soltústik-shyǵystan jel soǵady, ekpini 23 m/s jetedi. Óńirdiń ońtústiginde, shyǵysynda tótenshe órt qaýpi saqtalady.

Shymkent qalasynda soltústik-shyǵystan jel soǵady, ekpini 15-20 m/s quraıdy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT