+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

Sıngapýr sarapshysy: Toqaevtyń Joldaýy Qazaqstannyń ulttyq damýyn tutas qamtıdy

2019 jylǵy 24 qyrkúıek 12:53
Bólisińiz:
Sıngapýr sarapshysy: Toqaevtyń Joldaýy Qazaqstannyń ulttyq damýyn tutas qamtıdy

NUR-SULTAN. QazAqparat – Salyq júıesin jandandyrý, ulttyq tabysty neǵurlym ádil bólýdi qamtamasyz etý jáne barlyq azamattardy tıisti áleýmettik baǵdarlamalarmen qamtamasyz etý Qazaqstanǵa ıkemdi qoǵam qurýǵa múmkindik beredi. Qazaqstan Prezıdenti Qasym-Jomart Toqaevtyń halqyna Joldaýy jaıly Sıngapýrdyń S. Radjaratnam (RSIS) Halyqaralyq zertteýler mektebi Nanıang tehnologııalyq ýnıversıteti janyndaǵy Tóraǵasynyń atqarýshy orynbasary, Qorǵanys jáne strategııalyq zertteýler ınstıtýtynyń dırektory Ong Keng Iong osyndaı pikir bildirdi, dep habarlaıdy QazAqparat tilshisi.

Uqsas jańalyqtar
Prezıdent Joldaýy nasıhattaldy - Kentaý 2024 jylǵa qaraı densaýlyq salasyna JІÓ-niń 5 paıyzy bólinedi Muǵalim rýhanı jáne tehnologııalyq ózgeristerdiń shyńynda bolýy kerek – Erlan Saırov

«2019 jyldyń 2 qyrkúıeginde Qazaqstan Prezıdenti Qasym-Jomart Toqaev óz halqynyń aldynda mańyzdy Joldaýyn pash etti. Bul - Qazaqstannyń ulttyq damýyn tutastaı qamtıtyn jol kartasy. Ásirese rýhtandyratyny – halqynyń ómirin jaqsartýǵa jáne olardy bolashaqqa baǵyttaýǵa basa nazar aýdarýy. Áserli tusy – eldi turaqty bolashaqpen qamtamasyz etýi. Qazaqstan sandyq jáne bilim ekonomıkasyna daıyn bolýy kerek», - deıdi sıngapýrlyq sarapshy.

Ong Keng Iongtiń pikirine súıensek, salyq júıesin jandandyrý, ulttyq tabysty neǵurlym ádil bólýdi qamtamasyz etý jáne barlyq azamattardy tıisti áleýmettik baǵdarlamamen qamtamasyz etý Qazaqstanǵa ıkemdi qoǵam qurýǵa múmkindik beredi. Bul degenimiz mańdaı aldy mindet – ulttyq birlikke jetý ekenin, Qazaqstan azamattary budan bylaı da qazaq ultynyń ıgiligi úshin jumys atqara berýi tıis ekenin bildiredi.

«Memleket basshysynyń ınfraqurylymdyq damýǵa, onyń ishinde fızıkalyq jabdyqqa, zań jáne baǵdarlamalyq qamtamasyzdandyrýǵa betburysy áserli. Bul onyń el ekonomıkasyn nyǵaıtý jáne bolashaqqa daıyn bolý úshin ne isteý kerektigin tolyq túsinetinin kórsetedi. Álemdik ekonomıka jańa daǵdylar men tehnologııalarǵa negizdelgen. Innovatsııalyq jáne tehnıkalyq múmkindikter sheshýshi rólge ıe bolady. Prezıdent Elbasy Nursultan Nazarbaevtyń kóshbasshylyǵymen Qazaqstannyń sońǵy onjyldyqta qol jetkizgen jetistikterine súıenedi. Prezıdent Toqaev eldi HHІ ǵasyrdyń syn-qaterlerine qarsy turýdyń uzaq merzimdi josparyna kiristi. Memleket ishinde ne isteý kerektigin anyqtaı otyryp, Prezıdent Qazaqstannyń syrtqy maıdandaǵy rólin de eskeredi», - deıdi ol.

Sıngapýr sarapshysynyń aıtýynsha, Qasym-Jomart Toqaev qajetti progreske jetý úshin tamasha syrtqy qatynas qajettiligin atap ótken. Ol eldiń tikeleı sheteldik ınvestıtsııalarǵa (TShI) jáne onyń eksportyna halyqaralyq naryqqa kóbirek qol jetkizý qajettigin jaqsy túsinip otyr.

«Prezıdent Qazaqstannyń syrtqy saıasatynyń eldiń bolashaqqa daıyndyǵyn kúsheıtetin reformalary aıasynda jalǵasatynyna kóńil bóldi. Quttyqtaýlarym men izgi tilekterimdi joldaımyn», - deıdi Ong Keng Iong.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT