SІM: Túrkııadaǵy jer silkinisinen qaza bolǵandardyń tiziminde Qazaqstan azamattary joq
ASTANA. QazAqparat – Túrkııadaǵy jer silkinisterinen zardap shekkender men qaza bolǵandardyń tiziminde Qazaqstan azamattary joq. Syrtqy ister mınıstriliginiń resmı ókili Aıbek Smadııarov BAQ ókilderimen ótken brıfıngide osyndaı málimet berdi, dep habarlaıdy QazAqparat tilshisi.
«Osy ýaqytqa deıin zardap shekken nemese qaza tapqandardyń tiziminde Qazaqstan Respýblıkasynyń azamattary joq», - dedi Aıbek Smadııarov.
Qazirgi tańda Túrkııada qalǵan Qazaqstan azamattaryn Gazıantep qalasynan elge áketý sharalary júrgizilýde.
Elge qaıtamyn degen Qazaqstan azamattary 7 aqpan saǵat 12:00 Gazıantep qalasynyń áýejaıynda tıisti protsodýradan ótip daıyn bolýy tıis. Sonymen qatar Qazaqstanǵa oralýǵa nıetti azamattar tizimin jasaý úshin +90 538 8807041, +90 3124919100 telefon nómerlerine habarlasýy kerek.
Qazaqstan Aýyl sharýashylyǵy mınıstrligi Túrkııadaǵy jaǵdaıǵa baılanysty azyq-túlikpen gýmanıtarlyq kómek kórsetýge daıyn ekenin málimdedi.
Qazaqstandyq qutqarýshylar mingen ushaq Túrkııanyń Gazıantep qalasyna qondy.
QR Densaýlyq saqtaý mınıstri Ajar Ǵınııat Túrkııanyń jer silkinisinen zardap shekken aýdandaryna dárigerler jiberýge daıyn ekenin aıtty.
Foto: aa.com.tr
