+7 (701) 759 90 19
USD 375.91 EUR 416.85
RUB 6.10 CNY 54.77
Jańalyqtar

SІM: Qazaqtardyń Qytaıdan Qazaqstanǵa kelý máselesi sheshimin taýyp keledi

2019 jylǵy 28 qarasha 15:36
Bólisińiz:
SІM: Qazaqtardyń Qytaıdan Qazaqstanǵa kelý máselesi sheshimin taýyp keledi

NUR-SULTAN. QazAqparat – Syrtqy ister mınıstriniń birinshi orynbasary Shahrat Nuryshev Qytaıdaǵy qazaqtardyń máselesi qalaı sheshilip jatqanyn aıtyp berdi, dep habarlaıdy QazAqparat tilshisi.

Uqsas jańalyqtar
Qandastar úshin daıyndyq kýrsy ashylyp, 1 myń grant bólindi Álemniń 11 elindegi qandastarǵa qazaq tili  kýrstaryn uıymdastyrý josparlanýda Shetelden kóship keletin qandastardyń qujatyn rásimdeýge bir tereze qaǵıdaty engiziledi

«Keıingi kezderi Qytaıdaǵy qandastarymyzǵa baılanysty neshe túrli áńgimelerdiń taraýyna baılanysty osy týraly qysqasha málimet berip keteıin. Mınıstrlik qandastarymyzdyń máselesin sheshý maqsatynda Qytaı tarapymen tyǵyz dıalog ornatyp, túrli kelissózder men konsýltatsııalar ótkizýde. Ózderińizge málim, 2017 jyldan bastap Qytaı Halyq Respýblıkasynyń Shyńjań-Uıǵyr avtonomııalyq ólkesindegi mıgratsııalyq rejimniń jáne terrorızmge qarsy kúrestiń kúsheıýine baılanysty Qytaıdaǵy qandastarymyzdyń Qazaqstanǵa shyǵý máselesi qıyndady. Deı turǵanmen, dıplomatııalyq arnalar arqyly atqarylǵan sharýalardyń nátıjesinde qazaqtardyń Qytaıdan Qazaqstanǵa shyǵý máselesi durys sheshimin tabýda», - dedi Shahrat Nuryshev elordada ótken «Otandastar. Bolashaqqa baǵdar» atty halyqaralyq dóńgelek ústelinde.

Onyń aıtýynsha, qytaılyq taraptyń málimeti boıynsha qandastardyń Qytaıdan Qazaqstanǵa shyǵýyna qoıylǵan shekteý alynyp tastalǵan.

«Tek Qytaıdyń zańdaryn buzǵandarǵa ǵana shekteý qoıylatyny eskertildi. 2019 jyldyń qańtar-qarasha aralyǵynda elimizdiń Qytaıdaǵy konsýldyq jáne dıplomatııalyq mekemelerinen 38393 etnıkalyq qazaq vızasyn alyp, Qazaqstandaǵy týystarymen qaýyshty. Qos azamattyǵy úshin Qytaıdan shyǵa almaı júrgen 35 qazaqtyń 30-y bosatylyp, elimizge oraldy», – dedi ol.

Shahrat Nuryshevtyń aıtýynsha, Qazaqstannyń qoldanystaǵy zańnamasyna sáıkes, Qazaqstan azamattyǵyn jeńildetilgen tártippen qabyldaǵan etnıkalyq qazaqtar Qazaqstannyń Qytaıdaǵy dıplomatııalyq ókildikteri arqyly Qytaı azamattyǵynan shyǵý máselesin resimdep jatyr.

«Qytaıdyń Qazaqstandaǵy elshiliginiń resmı málimeti boıynsha, sońǵy 1,5 jyl ishinde 6,5 myńnan astam etnıkalyq qazaq Qytaı azamattyǵynan shyǵaryldy. Alaıda Shyńjańdaǵy kóshi-qon salasyna engizilgen jańa tártipke baılanysty memlekettik qyzmettegi, quqyq qorǵaý organdarynda qyzmet etetin, áskerı boryshy bar jáne partııa músheleri bolyp tabylatyn qazaqtardyń Qytaı azamttyǵynan shyǵý máselesi áli de bolsa sheshimin tappaı otyr. Degenmen, mınıstrlik bul máseleni óz baqylaýynda ustap, Qytaı tarapymen júıeli jumystardy jalǵastyrýda. Osy rette Qytaıdaǵy qandastarymyzǵa Qazaqstan men Qytaıdyń zańnamalaryna sáıkes, qos azamattyqqa jol bermeý kerektigin taǵy da eskerte aıtqym keledi» - dep túıdi Shahrat Nuryshev.

Bizdiń kanalymyzǵa jazylyńyz:

Basty sózder: Qytaı, Qandastar, QR SІM,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT