SІM basshysy Qaırat Ábdirahmanovtyń EQYU Joǵarǵy komıssary laýazymyna saılanýyna qatysty pikir bildirdi

NUR-SULTAN. QazAqparat – QR Syrtqy ister mınıstri Muhtar Tileýberdi Qaırat Ábdirahmanovtyń Eýropadaǵy Qaýipsizdik jáne Yntymaqtastyq Uıymynyń Joǵarǵy komıssary laýazymyna saılanýyna qatysty pikir bildirdi, dep habarlaıdy QazAqparat tilshisi.

Uqsas jańalyqtar

Pavlodar oblysynyń Aqsý qalasyna jańa ákim taǵaıyndaldy

«Nur Otan» partııasynyń Qoǵamdyq saıasat ınstıtýtynyń dırektory taǵaıyndaldy Talǵat Momyshev QR Energetıka mınıstrligi apparatynyń basshysy bolyp taǵaıyndaldy QR Eńbek jáne halyqty áleýmettik qorǵaý mınıstrligi apparatynyń basshysy taǵaıyndaldy

«3-4 jeltoqsan kúnderi onlaın formatta Eýropadaǵy Qaýipsizdik jáne Yntymaqtastyq Uıymynyń Syrtqy ister mınıstrleriniń 27-shi otyrysy bolyp ótti. Ol jıynda uıymǵa qatysýshy elder onyń mandatyna qatysty mańyzdy máselelerdi talqylady. Ózderińiz biletindeı, 2020 jyl EQYU úshin ońaı bolǵan joq. Sebebi keıingi jyldary bul uıym basshysyz jumys istep keldi. Atap aıtqanda shildede tórt basshynyń bári birdeı óz mandattarynan aıyrylǵan bolatyn. Biz bul kezeńge ınstıtýtsıonaldyq daǵdarys retinde qaradyq. Búgin bul másele sheshimin taýyp, konsensýs ornap, jańa basshylar saılandy», - dedi Muhtar Tileýberdi SІM-niń baspasóz máslıhatynda.

Onyń aıtýynsha bul tarıhı oqıǵa, óıtkeni Venadan bastap Shyǵysqa qaraı, ıaǵnı TMD men Ortalyq Azııadaǵy elderdiń ishinen bul uıymnyń basshylyǵyna eshkim barmaǵan.

«Bul turǵyda Qazaqstan ulttyq azshylyqtar isteri jónindegi Joǵarǵy komıssar laýazymyna tájirıbeli qazaqstandyq dıplomat, bizdiń eldiń Shvetsııa men Danııadaǵy elshisi Qaırat Qudaıbergenuly Ábdirahmanovty usyný týraly sheshim qabyldady. Qaırat Ábdirahmanovtyń usynylýyn EQYU-ǵa múshe memleketter jyly qabyldady. Osylaısha Qazaqstan bizdiń kandıdatýra boıynsha úlken qoldaýǵa ıe boldy», - dep atap ótti mınıstr.

Muhtar Tileýberdi qazaqstandyq úmitkerdiń bul orynǵa kelýin Qazaqstannyń álemdegi jáne uıymnyń óz ishindegi abyroıymen baılanystyrady.

«Qazaqstannyń ózi de bir ýaqytta atalmysh uıymǵa tóraǵalyq etip, bizdiń eldiń astanasynda sammıt ótkizgen bolatyn», - deıdi ol.