Sıdneıdegi tarıhı ǵımaratty jaǵyp jiberdi degen kúdikpen jasósipirimder ustaldy
SIDNEI. QazAqparat - Sıdneıdiń ortalyǵynda jeti qabatty ǵımaratta órt shyqqannan keıin jergilikti polıtsııaǵa 13 jasar eki jasóspirim kinálaryn moıyndap, barǵan, dep habarlaıdy QazAqparat BBC News-ke silteme jasap.
Sıdneıdiń ortalyǵyndaǵy órtti sóndirýge 100 maman qatysty. Órt kezinde ǵımaratta 15 adam uıyqtap jatqan, 13 adamnyń jeke basy anyqtalýda. Osy ǵımaratqa jaqyn mańdaǵy úıdiń kem degende 70 turǵyny úılerin tastaýǵa májbúr boldy. Olar jeti kún boıy úılerine qaıta almaıdy.
Polıtsııa berilgen jasóspirimder tergeýge kómektesip jatqanyn rastady. Sondaı-aq, bul oqıǵaǵa basqa jasóspirimderdiń qatysy bolýy múmkin.
Jańa Ońtústik Ýelstiń órt-qutqarý qyzmeti seısenbide órt dabylynyń 10-shy deńgeıine jetkenin málim etti.
Ǵımarat muralar tizimine engen edi jáne buǵan deıin munda Henderson Hat fabrıkasy bolǵan. Ol kóp jyldan beri bos turdy, ony qonaqúıge qaıta jabdyqtamaqshy boldy. Órtten ǵımarattyń joǵarǵy qabaty kóshege qulap tústi.
