+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

ShYU Bas hatshysy: Jastar tsıfrlyq ekonomıkany damytýda kóshbasshy bolýy tıis

2019 jylǵy 16 jeltoqsan 08:51
Bólisińiz:
ShYU Bas hatshysy: Jastar tsıfrlyq ekonomıkany damytýda kóshbasshy bolýy tıis

BEIJІŃ. QazAqparat – Shanhaı yntymaqtastyq uıymyna (ShYU) múshe elderdiń jastary tsıfrlyq ekonomıka qalyptastyrýda aldyńǵy oryndarda bolýy tıis. Bul týraly ShYU Bas hatshysy Vladımır Norov «AGORA: ǵylymı kózqaras» dúnıejúzilik jastar konferentsııasynyń ashylýynda málim etti, dep habarlaıdy «QazAqparat» HAA menshikti tilshisi.

Konferentsııa Qytaı astanasynda ShYU hatshylyǵynyń qoldaýymen ótip jatyr. Onyń taqyryby «ShYU keńistigindegi elektrondy saýda men tsıfrlyq ekonomıka – syn-tegeýrinder men perspektıvalar».

«5G jelileri, ınternet, robot tehnıkasy, bıo- jáne nanotehnologııalar negizinde jasandy ıntellekt sınergııasymen baılanysty tsıfrlyq revolıýtsııanyń jańa dáýiri jaqyndap keledi. Vırtýaldyq jáne shynaıy ekonomıka birigip jatyr. Qazir árbir el tsıfrlandyrý salasynda sáıkes tujyrymdar, strategııalar qabyldaýda. Osy protsester kezinde jastar kóshbasshy oryndarda bolýy tıis», - dep atap ótti V.Norov.

«ShYU keńistiginde 15-24 jas aralyǵyndaǵy 800 mln astam jastar turyp jatyr. Olar turǵyndardyń basqa bóligine qaraǵanda tsıfrlyq tehnologııalardy turaqty paıdalanady. Bolashaq IT-ındýstrııanyń úlken áleýetin tıimdi paıdalanatyndarǵa tıesili», - dedi V.Norov.

ShYU Bas hatshysy jastarǵa ShYU keńistiginde «salaýatty tsıfrlyq mádenıetti» qurýǵa, jastarǵa óz áleýetin ashýǵa kóbirek múmkindikter usynýǵa, atap aıtqanda, elektrondy saýda salasynda jastar kásipkerligin damytý úshin kúsh biriktirýge shaqyrdy.

Qazaqstannan barǵan delegat Іńkár Ospanova 2019 jyldyń basynda QR-daǵy onlaın saýda kóleminiń 287 mlrd teńge bolǵanyn aıtty. Bul kórsetkish bir jyldyń ishinde 23,2%-ǵa ósip, jalpy saýda aınalymy kóleminiń 2,9%-yn qurady.

Paneldik sessııalar barysynda ShYU elderinen kelgen isker orta ókilderi elektrondy saýdanyń logıstıkasy men kedendik retteýdi, jańa qarjy quraldaryn qoldanýdy jáne startaptardy damytý máselelerin talqylady.

Bizdiń kanalymyzǵa jazylyńyz:

#Qytaı   #Jastar  
Bólisińiz:

Avtor:

Aqbópe Ábdrasýl

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Úmbet Sholpan
Úmbet Sholpan
954-059

MURAǴAT