+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

«Shyraqshy» fılmi halyqaralyq festıvalde eki júldege ıe boldy

2019 jylǵy 22 qarasha 21:11
Bólisińiz:
«Shyraqshy» fılmi halyqaralyq festıvalde eki júldege ıe boldy

ALMATY. QazAqparat - «Shyraqshy» fılmi Reseıde ótken Sochi International Film Festival and Awards kınofestıvalinde eki birdeı júldege ıe boldy, dep habarlaıdy QazAqparat «Qazaqfılm» kınostýdııasyna silteme jasap.

Uqsas jańalyqtar
Norvegııada «Ámire» fılmi kórsetildi «Meniń Jansúgirovym» atty derekti fılmniń tusaýkeseri ótkiziledi Qazaqtildi kıno nege praım-taımda kórsetilmeıdi - Otandyq kınonyń ózekti máseleleri

Rejısser Ermek Tursynovtyń fılmi bul festıvalde «Úzdik fılm» júldesin jáne «Úzdik áıel adamnyń róli» júldesin aldy. Sońǵy atalǵan júlde kartınada basty róldi somdaǵan aktrısa, Reseıdiń halyq artısi Nına Ýsatovaǵa buıyrdy. Bul júldelerdi festıvaldiń jabylý saltanatynda fılmde basty róldi somdaǵan akter Muratjan Muqajanov aldy.

Aıta ketsek, akter bul festıvalde otandyq fılmdi festıval qonaqtary men kórermenderine tanystyrý úshin arnaıy barǵan bolatyn. Bul jóninde fılmniń prodıýseri Qanat Tórebaı aıtty.

Bıyl festıval barysynda halyq nazaryna 50 fılm usynyldy. Festıvaldiń basty baıqaýyna 10 tolyqmetrajdy, 12 qysqametrajdy jáne 8 derekti fılm qatysty. Halyqaralyq qazylar alqasynyń quramyna tanymal kınogerler jáne festıvaldiń qurmetti qonaqtary kirdi, olar: Ońtústik Koreıanyń rejısseri Kım Kı Dýk, aktrısa Maıa Aımedova, Ramsgate International Film Festival festıvaliniń prezıdenti Sılvııa Bolıolı, jazýshy Rıchard Dıken, ánshi ári mýzykant Katıa Semenova, rejısser Vladımır Alenıkov, RF halyq artısi Larısa Lýjına, bolgarııalyq rejısser jáne prodıýser Zlatına Fılıppova, ProfıSınema jýrnalynyń bas redaktory Nına Romodanovskaıa jáne kınosynshy Olga Shervýd.

QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ túsirgen «Shyrakshy» fılmi Ekinshi dúnıejúzilik soǵysy kezinde nemis qarııadan kınoapparat syıǵa alǵan soldat týraly. Soǵystan soń elge oralǵan ol qartaıǵan shaǵyna deıin el aralap, kınoapparatpen eski fılmderdi kórsetýmen aınalysady.

Kınotýyndynyń álemdik tusaýkeseri XXII Shanhaı halyqaralyq kınofestıvaliniń aıasynda ótti. Fılmde basty róldi somdaǵan akter Muratjan Muqajanov Anapada ótken «Kınoshok» festıvalinde «Kıno ónerine adal keıipkerdiń obrazyn kórkem somdaǵany úshin» qazylar alqasynyń dıplomymen, al kartınanyń operatory Martın Sechanov A.Knıajınskıı atyndaǵy «Úzdik operatorlyq jumys» júldesimen marapattaldy. Al jaqynda bul kartına «Altyn globýs» júldesine úmitkerler qatarynan kórindi.

Reseı men Ulybrıtanııanyń uıymdastyrýymen ótetin Sochıdegi Halyqaralyq kınofestıval jáne «Irıda» kınojúldesi jylyna eki ret ótkiziledi. Bul baıqaý jeltoqsan aıynda Reseıdegi Sochı qalasynda, al naýryz aıynda Londonda ótedi. Al «Irıda» kınojúldesi (ejelgi grek mıfologııasy boıynsha kempirqosaq qudaıy) 2016 jyldan beri uıymdastyrylyp keledi. Prodıýser ári stsenarıst Lıýbov Balagova-Kandýr júldeniń negizin qalaǵan.

Bizdiń kanalymyzǵa jazylyńyz:

Basty sózder: Almaty, Mádenıet, Óner,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT