+7 (701) 759 90 19
USD 435.54 EUR 473.08
RUB 5.76 CNY 61.64
Jańalyqtar

Shyńjańda óndirilgen túıe súti Ýhandaǵy dárigerlerge jiberildi - Sheteldegi qazaq tildi BAQ-qa sholý

2020 jylǵy 29 aqpan 11:06
Bólisińiz:
Shyńjańda óndirilgen túıe súti Ýhandaǵy dárigerlerge jiberildi  - Sheteldegi qazaq tildi BAQ-qa sholý

NUR-SULTAN. QazAqparat- «QazAqparat» HAA ádettegideı sheteldegi qazaq tilinde taraıtyn aqparat kózderine aptalyq sholýyn usynady.

Uqsas jańalyqtar
AQSh koronavırýsty anyqtaıtyn veb-saıt jasap jatyr – Álemdik baspasózge sholý 14 naýryz kúni ótetin mańyzdy sharalarǵa sholý 12 naýryz kúni elimizde bolatyn mańyzdy sharalar ańdatpasy

Shyńjańda óndirilgen túıe súti Ýhandaǵy dárigerlerge jiberildi - «Altaı aqparat» saıty

Shyńjań Vangıýan bıotehnologııalyq kompanııasy túıe sútinen jasalǵan 3 000 qorap ónimdi Ýhanǵa kómekke barǵan dárigerler tobyna jiberdi, dep jazady altxw.com saıty.


«Shyńjańnyń Wangyuan Group kompanııasy Shyńjańnan kómekke barǵan, Ýhandaǵy aldyńǵy sheptegi koronavırýspen kúresip jatqan 386 dárigerdiń densaýlyǵynyń myqty bolýyn tilep, adam aǵzasynyń ımýnıtetin kúsheıtetin taza túıe sútinen jasalǵan ónimderin kómekke bergen. Atalǵan kompanııa quny 1,05 mıllıon ıýan (shamamen 57,2 mln teńge) bolatyn, 3 myń qorap Wangyuan túıe sútiniń untaǵyn syıǵa tartqan. Aıta ketsek, túıe sútiniń shıpalyq qasıetteri erteden-aq belgili bolǵan. Onyń adam aǵzasyna sińimdiligi 98 paıyz. Dárigerler shubatty turaqty paıdalanǵan adamdar týberkýlezben múldem aýyrmaıtyndyǵyn anyqtaǵan», - dep jazady «Altaı aqparat» saıty.

Eske sala keteıik, Shyńjańdaǵy Wangyuan Group kompanııasy túıe sútin zertteýmen jáne óndirýmen aınalysatyn Qytaıdaǵy eń iri óndiris ortalyǵy. Sonymen birge, kompanııa túıe sútinen kosmetıka jasaý, túıe etiniń ónimderin óndirý baǵytynda da jumys isteıdi. Kompanııanyń ónimderi 1300-den astam arnaıy dúkendi men 800 iri sýpermarket jelisinde jáne 13 ten astam shet memleketke satylady. Buǵan deıin osy kompanııanyń Altaı aımaǵyndaǵy túıe sharýashylyǵymen aınalysatyn fermerlerdi yntalandyrý maqsatynda, 6 túıeshige kólik mingizgenin jazǵan bolatynbyz. Al qandastarymyz qonystanǵan Altaıdyń Býyryltoǵaı aýdany «Qytaıdaǵy túıe sútiniń astanasy» degen ataqty enshilegen.

Mońǵolııadaǵy Serik Berdimuratuly xalyqaralyq jarystan kúmis medal ıelendi- kaznews.mn

Mınsk qalasynda Sambodan Belarýs prezıdentiniń kýbogyna arnalǵan halyqaralyq týrnır ótti, dep habarlaıdy Mońǵolııanyń KAZNEWS aqparattyq portaly.

«Týrnırge 20 memleketten 300 sportshy qatysty. Atalmysh jarysta erler arasynda -100 keli salmaq dárejesinde halyqaralyq sport sheberi, sambodan 2019 jylǵy álem chempıonatynyń qola júldegeri Serik Berdimuratuly qatysyp kúmis medal ıelendi.

Ol alǵashqy kezdesýinde Ýkraına sportshysy Alekseı Moısıevti, ekinshi kezdesýinde Belarýs palýany Sıarheı Lesıkty jeńip fınalǵa shyqqan bolatyn. Fınalda Belarýs palýany Andreı Kazýnesokqa ese jiberip aldy.

Esterińizge salsaq, Serik Berdimuratuly 2019 jyly bul týrnırden qola medal alǵan bolatyn»,- dep jazady KAZNEWS.


Qytaıdyń Shyńjań ólkesi koronavırýstan saqtaný sharasyn ekinshi sanatqa túsirdi - Qytaıdyń «Ortalyq halyq radıosy» (CNR)

Shyńjań-Uıǵyr avtonomııaly ólkesi koronavırýs ınfektsııasynyń taralýynyń aldyn-alý maqsatyndaǵy talap etilgen saqtyq sharasynyń deńgeıin birinshi sanattan ekinshi sanatqa aýystyrdy, dep jazady Qytaılyq kazakcnr.com saıty.

«Tıisti memlekettik zańdar men erejelerge súıene otyryp, Shyńjańdaǵy koronavırýs ınfektsııasynyń taralý jaǵdaıynyń turaqtalýyna baılanysty Shyńjań-Uıǵyr avtonomııaly ólkesiniń halyq úkimeti 2020 jyldyń 25-shi aqpannan bastap saqtyq sharasynyń deńgeıin birinshi sanattan ekinshi sanatqa túsirdi», dep jazady CNR.

Eske sala keteıik, Shyńjań ólkesinde sońǵy aptada jańadan koronavırýs juqtyrǵan adam tirkelmegen. Osyǵan deıin Shyńjańda koronavırýs juqtyrǵan 76 adam anyqtalǵan jáne 3 806 adam medıtsınalyq baqylaýǵa alynǵan. Sondaı-aq, Shyńjańdaǵy koronavırýstyń taralýyna baılanysty jumysyn toqtatqan kásiporyndardyń bir bólimi qazirgi kúni óndiristi qaıta qalpyna keltirýge kirisken.


Mońǵolııa Qytaıǵa kómek retinde 30 myń bas mal berdi - KAZNEWS


Mońǵolııa Prezıdenti Haltmaagıın Battýlga (Qaltmagın Battulǵa dep oqylady - avt) QHR-na saparmen baryp qaıtty, dep habarlaıdy Mońǵolııanyń KAZNEWS aqparattyq portaly.

«Mongol.cri.cn málimeti boıynsha Beıjiń qalasynda eki memlekettiń basshylary kezdesý ótkizgen. Kezdesý barysynda QHR-nyń tóraǵasy Sı Tszınpın «Bizdiń eldiń Úkimeti men halqy jańa koronavırýsqa qarsy kúresip jatyr. Osy qıyn sátte Mońǵolııa Úkimeti men halqy bizge kómek qolyn sozyp otyrǵanyna alǵys bildiremiz. Mońǵolııa Prezıdenti Haltmaagıın Battýlga siz koronavırýs taraǵannan keıin QHR-na joǵary deńgeıdegi arnaı saparmen kelgen alǵashqy memleket basshysy bolyp otyrsyz. Sizdiń saparyńyz Qytaı halqyn shyn yqylasyńyzben qoldaýyńyzdyń bir dáleli bolmaq» - dedi», - dep jazady KAZNEWS.


Atalǵan BAQ-tyń jazýynsha, Mońǵolııa Prezıdenti H.Battýlga óz sózinde, vırýs taraǵan ýaqyttarda Mońǵolııa Úkimeti QHR-na kómek qolyn sozý maqsatynda «Máńgilik kórshige kómektesý» aktsııasyn uıymdastyrǵanyn aıtqan. Sol izgi nıetpen Mońǵol halqynyń osy jolǵy sapar aıasynda 30 myń bas mal (qoı) syılap otyrǵanyn jáne Qytaı halqyna jaqsylyq tileıtinin jetkizgen.

Eske sala keteıik, Montsame agenttiginiń málimetinshe, Mońǵolııa prezıdenti 27 aqpan kúni QHR-na bir kúndik saparynan oralǵan soń, qaýipti vırýsty elge taratpaý keshendi sharalarynyń erejesine sáıkes, memleket basshysy men Qytaı eline birge barǵan resmı tulǵalar Shyńǵys han halyqaralyq áýejaıynda koronavırýsqa tekseristen ótip, arnaıy mekemege 14 kúnge oqshaýlandyrylǵan.


Túrkııadaǵy halyqaralyq áńgimeler festıvaline Ózbekstannan alǵash ret jas jazýshy qatyspaq - «ÓzA» aqparattyq agenttigi

Bıyl tórtinshi ret uıymdastyrylyp jatqan qysqa áńgimeler festıvali Ystanbul qalasynda 2-7 naýryz kúnderi ótetini josparlanǵan, dep jazady Ózbekstannyń «ÓzA» memlekettik aqparattyq agenttigi.

«Álemniń otyzǵa jýyq elinen keletin qalamgerler arasynda alǵash ret Ózbekstan atynan jas jazýshy Javlon Jovlıev qatyspaq. Ol 1991 jyly Qashqadarııa oblysynda týǵan. Javlon aıtýly festıvalge óziniń «Buqara, Buqara, Buqara...» atty áńgimesimen qatysýda. Ystanbulda ótetin shara aıasynda qalamgerler óz elindegi ádebıet jaıly baıandama jasaıtyny aıtylǵan. Sondaı-aq, festıvalge qatysýshy jazýshylardyń áńgimeleri jınaq kitap bolyp baspadan shyǵady», - dep jazady «ÓzA» aqparattyq agenttigi.


Qyrǵyz halyq aqynynyń mereıtoıy Ankarada toılandy - TRT


Qyrǵyzdyń halyq aqyny jáne Túriksoıdaǵy Qyrǵyzstan ókili Qojageldi Qulıev 60 jasqa toldy. Onyń eleýli mereıtoıy Túriksoıdyń Ankaradaǵy bas ǵımaratynda erekshe atap ótildi, dep jazady Túrkııa Radıo Televızııa portaly.

«Túriksoıdaǵy atalǵan sharada aqynnyń jańa jaryq kórgen «Alaqandaǵy álem» jáne «Júrek-meken» atty kitaptarynyń tusaýy kesildi. Túriksoı bas hatshysy Dúısen Qaseıinovtyń basshylyǵynda ótken jıynǵa Qyrǵyzstan Mádenıet, aqparat jáne týrızm mınıstriniń orynbasary Qaırat Imanalıev, Eýrazııa Jazýshylar odaǵy basshysy ıAkýp Ómeroǵlý, Túrkııanyń túrli qoǵam ókilderi, Ankaradaǵy dıplomatııalyq mıssııa qyzmetkerleri, ónersúıer qaýym qatysty. Professor Najıe Ata Iyldyz hanym betashar sózinde aqyn Qojageldi Qulıevtiń poezııasy, kitaptary men shyǵarmashylyǵy jóninde keń málimet berdi», - dep jazady TRT.

Atalǵan BAQ-tyń jazýynsha, qyrǵyz aqynynyń «Alaqandaǵy álem» atty kitaby ázerbaıjan, qazaq, qyrǵyz, ózbek, túrik, bashqurt jáne saha tilderinde basylǵan. Shara barysynda, Túriksoı bas hatshysy Dúısen Qaseıinov Qulıevke Túriksoıdyń Dańq medalin tabys etken.

Ózbekstannyń Naýaı oblysynda dombyrashylar baıqaýy ótti – Kenımeh tańy gazeti


Ózbekstannyń Naýaı oblysynyń Tamdy aýdanynda on úsh aýyldan kelgen 300-ge jýyq jas dombyrashy Tamdy aýdandyq mádenıet úıinde ótken «Ónerli dombyrashy jastar» baıqaýynda ózara baq synasyp, ónerlerin ortaǵa saldy, dep jazady «Kenımeh tańy» gazeti.

Atalǵan BAQ-tyń jazýynsha, sharanyń basty maqsaty – jastar arasynan talantty ónerpazdardy anyqtap, qazaq halqynyń tól mádenıetin, dástúrli ónerin óskeleń urpaqqa dáripteý bolǵan.


«Tamdy aýdany ákimdigi, aýdandyq halyqqa bilim berý bólimi, Ózbekstan Jastar odaǵy Tamdy aýdandyq bóliminiń uıymdastyrýymen ótkizilgen baıqaýda qatysýshylar án, ulttyq bı, toptyq hor, terme oryndaý baǵytynda óner kórsetti. Jas ónerpazdar Dına, Qurmanǵazy, Qazanǵap, Táttimbet, Dáýletkereı sekildi dáýlesker kúıshilerdiń týyndylary men halyq kúılerin oryndap jurttyń yqylasyna bólendi. Sharaǵa oblystyq senator Z.Túlekova, Tamdy aýdany ákimi orynbasary N.Beknazarov, Tamdy aýdany halyqqa bilim berý bólimi meńgerýshisi M.Bazarbaev, aýdandyq mádenıet bólimi ókilderi men tamdylyq jyraý Jalǵas Júsipov, ánshi-sazger Qazbek Esenbaevtan turatyn qazylar alqasy jáne aýdandaǵy barlyq bilim ordalarynyń basshylary men aýyl aqsaqaldary, ónersúıer qaýym qatysty», dep jazady «Kenımeh tańy» gazeti.


Atalǵan gazettiń jazýynsha, sońǵy máredegi baıqaý qorytyndysy boıynsha, júldeli ІІІ oryndy Rahat aýylynyń №18 mektep ónerpazdary, júldeli ІІ oryndy Keregetaý aýylynyń №9 mektep talantty jastary, júldeli І oryndy Jyryq aýylynan kelgen №13 mekteptiń daryndy dombyrashylary ıelengen. «Bas júldeni» Jańasharýa eldi mekeninen kelgen №7 mekteptiń orkestr toby laıyq dep tabylǵan.


Bizdiń kanalymyzǵa jazylyńyz:

Basty sózder: Qytaı, Qandastar, BAQ, Álem,
Bólisińiz:

Avtor:

Baqytjol Kákesh

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT