+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Shyńjańda koronavırýsqa shaldyqqan sońǵy naýqas aýrýhanadan shyqty

2020 jylǵy 9 naýryz 16:11
Bólisińiz:
Shyńjańda koronavırýsqa shaldyqqan sońǵy naýqas aýrýhanadan shyqty

BEIJІŃ. QazAqparat – Qazaqstanmen shekarada ornalasqan Qytaıdyń Shyńjań-Uıǵyr avtonomııalyq aýdanynda (ShUAA) koronavırýsqa shaldyqqan sońǵy patsıent saýyǵyp, jeksenbi kúni aýrýhanadan shyǵaryldy, dep habarlaıdy «QazAqparat» HAA menshikti tilshisi.

«Jenmınýan» basylymynyń atap ótýinshe, qazirgi kezde Shyńjańda koronavırýsqa shaldyǵý oqıǵalary tirkelip jatqan joq. ShUAA-da koronavırýsqa shaldyǵýdyń alǵashqy oqıǵasy 23 qańtarda tirkelgen bolatyn. Jalpy, munda aýrýdy juqtyrýdyń rastalǵan 76 oqıǵasy anyqtaldy. Al sońǵy 19 kúnde birde-bir jańa jaǵdaı tirkelmegen.

Sonyń nátıjesinde Shyńjańda koronavırýs indetine baılanysty tótenshe jaǵdaı deńgeıi joǵarydan (birinshi) úshinshige tómendetildi.

Budan basqa, koronavırýs indetiniń oshaǵy Ýhan qalasynda (Hýbeı provıntsııasy, Ortalyq Qytaı) patsıentterdiń aýrýhanadan shyǵýy sebebinen 14 ýaqytsha gospıtaldiń 11-i jabyldy.

Jalpy, sońǵy táýlikte (8 naýryz saǵat 24:00-degi jaǵdaı boıynsha) qurlyqtyq Qytaıda koronavırýsqa shaldyǵýdyń 40 jańa oqıǵasy tirkelgen, 22 adam kóz jumdy (21 adam – Hýbeı provıntsııasynda, bireýi – Gýandýn provıntsııasynda), aýrýhanalardan 1535 adam jazylyp shyqty.


Bizdiń kanalymyzǵa jazylyńyz:

Basty sózder: Qytaı, Álem, Koronavırýs,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT