Shyńjańda iri munaı ken orny tabyldy
2022 jylǵy 11 tamyz 10:36

Shyńjańda iri munaı ken orny tabyldy

BEIJІŃ. QazAqparat – QHR Shyńjań-Uıǵyr avtonomııalyq ólkesiniń (ShUAÓ) Tarım basseıninde 1,7 mlrd tonna munaı qory bar iri munaı ken orny tabyldy, dep habarlaıdy QazAqparat «Hýantsıý Shıbao» basylymyna silteme jasap.

Basylymnyń málimetinshe, Sinopec group Qytaı munaı-hımııa korporatsııasy Shýnbeı munaı-gaz ken ornyn (Tarım basseıni, ShUAÓ) barlaý barysynda 1,7 mlrd tonna munaı qory bar munaı ken ornyn tapty.

Jańa munaı ken orny – álemdegi eń tereń kommertsııalyq munaı jáne gaz ken oryndarynyń biri, onyń ortasha tereńdigi 7 shaqyrymnan asady.

Shyńjańdaǵy Tarım basseıninde jer astynda 6 myńnan 10 myń metrge deıingi tereńdikte ornalasqan munaı men gaz qorlary Qytaıdaǵy munaı men tabıǵı gazdyń jalpy qorynyń tıisinshe 80%-dan astamyn jáne 60% yn quraıdy.

Basylymnyń baǵalaýy boıynsha, Tarım basseınindegi munaı men gaz qory kelesi 10 jyldaǵy Qytaıdyń qajettilikterin qanaǵattandyra alady. Jańa munaı ken ornynyń barlanǵan qorlary eki jylǵa munaıǵa degen ishki suranysty qamtamasyz ete alady. Óıtkeni elde jylyna shamamen 800 mıllıon tonna munaı paıdalanylady.

Foto: aa.com.tr



Uqsas jańalyqtar
Seriktester jańalyqtary

Jańalyqtar

Úrdis

MURAǴAT