+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Shyndyqqozy aýyly týrısterge múshelenbegen túıe etin tutas qaqtap tartty - Sheteldegi qazaq tildi BAQ-qa sholý

2019 jylǵy 22 maýsym 11:30
Bólisińiz:
Shyndyqqozy aýyly týrısterge múshelenbegen túıe etin tutas qaqtap tartty - Sheteldegi qazaq tildi BAQ-qa sholý

ASTANA. QazAqparat - «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Shyndyqqozy aýyly týrısterge múshelenbegen túıe etin tutas qaqtap berdi -Qytaıdyń «Ortalyq halyq radıosy» (CNR)

Qytaıdyń Manas aýdanynyń Shyndyqqozy aýylynda qazaq ultynyń salt-dástúrin násıhattaǵan, mádenı tanymdyq, etnotýrızm kúni atalyp ótti, dep habarlaıdy Qytaılyq kazakcnr.com saıty.

null

«Shyńjań ólkesiniń qazaqtar shoǵyrly qonystanǵan Manas aýdanynyń Shyndyqqozy aýylynda jyl saıyn ótip kele jatqan etno-týrızm merekesi toılandy. Atalǵan is-sharaǵa 40 myńnan astam týrıs qatysyp, merekeniń mereıin asyrdy. Bul jolǵy etnotýrızm merekesinde uıymdastyrýshylar ulttyq dástúrdi áıgileıtin túrli mádenı is-sharalarmen qatar, týrısterge buryn estip-kórmegen tosynsyı daıyndaǵan. Shyndyqqozy aýylynyń turǵyny, jeke kásipker Janar Káýkenqyzy arnaıy jasalǵan peshte múshelenbeı, tutas qaqtalyp pisirilgen túıequspen, qosórkeshti túıe etin shógip jatqan kúıinde týrısterdiń aldyna tartyp, tańdaıyn qaqtyrdy. Tatymdy dámi til úıretin qazaqtyń qaqtalǵan etin jegen ózge ult adamdary buǵan tamsana tańdandy», - dep jazdy qytaılyq BAQ.

null

Atalǵan aqparat kóziniń jazýynsha, eki kúnge jalǵasqan etnotýrızm merekesinde Shyndyqqozy aýylynyń «Ulttyq at sport túrleri» qoǵamynyń qoldaýymen «Qyz qýý», «Kókpar», «Teńge ilý» oıyndary jáne Alaman báıge de ótken. Sonymen birge atan jilik balýandar bozkilemde beldesip, óner juldyzdary qazaq ánin sahna tórinde áýeletken. Al Aýyl adamdary ózderi óndirgen aıran, irmshik, qurt, maı, shubat, qymyz sekildi tabıǵı ónimderin jáne qolóner buıymdaryn saýdaǵa salyp eńbekteriniń ıgiligin kórgen.

null

null

Nur-Sultan qalasynda «Kóshpendiler Álemi» atty halyqaralyq etnomádenı festıvali ótedi - «Fars» aqparat agenttigi

2019 jyldyń maýsym aıynyń 28-30 juldyzdary aralyǵynda Nur-Sultan qalasynda «Kóshpendiler Álemi» atty Kóshpendiler etnomádenıetiniń tórtinshi halyqaralyq festıvali ótedi, dep habarlaıdy parstoday aqparat agenttigi.

null

«Festıvaldiń negizgi maqsaty - kóshpendilerdiń tarıhı jáne mádenı murasyn nasıhattaý, ulttyq salt-dástúrdi, ıdeologııany, shaıqas ónerin jańǵyrtýǵa jáne memleketter arasyndaǵy mádenı qarym-qatynasty nyǵaıtýǵa arnalǵan platforma retinde qalyptastyrý. Іs-shara Qazaqstanǵa sheteldik týrısterdi tartatyn jáne ishki týrızmniń damýyna oń áserin tıgizetin mańyzdy oqıǵalardyń biri bolyp tabylady.

Festıval kontseptsııasy 2008 jyldan beri Vengrııa Halyq Respýblıkasynda ótetin Túrki halyqtarynyń Úlken Quryltaıynyń sátti modeline negizdelgen. Jobanyń bas keńesshisi retinde Úlken Quryltaıdyń uıymdastyrýshysy - belgili ǵalym-antropolog Andrash Bıro bastaǵan «Magyar Turan» qory qolǵabys etedi.

null

Festıval baǵdarlamasynda qatysýshylardyń Nur-Sultan qalasy kóshelerimen sherýi, kásibı sadaqshylardyń jarysy, kókparshylar men búrkitshilerdiń saıysy, saýyt-saımandary tarıhı derekkózderge negizdelip jasalǵan batyrlardyń jekpe-jekteri, sonymen qatar shabandozdardyń ónerin kórsetý qarastyrylǵan.

Saıystarǵa qatysý úshin Qazaqstanǵa Túrkııa, Ázerbaıjan, Bolgarııa, Iran, Ońtústik Koreıa, Qyrǵyzstan, Mońǵolııa jáne Ózbekstannan komandalar keledi.

null

Festıval aıasynda kóshpendilerdiń tarıhymen Saq, Qańly, Úısin jáne Ǵun dáýirleriniń kostıýmdi kórsetilimi arqyly tanysýǵa, búrkitshilerdiń sheberligi men ańshy qustardyń sulýlyǵyna tamsanýǵa múmkindik bolady.

Іs-shara qonaqtaryn búkil álemge tanymal etnomýzyka oryndaýshylarynyń qatysýymen mýzykalyq baǵdarlama kútedi», - dep jazady parstoday.

null

Qazaqstannyń balyq ónimine Qytaıda suranys joǵary - «Jenmın jıbao» (People Daily)

Qazaqstan men Qytaı shekarasyndaǵy «Qorǵas» keden beketi arqyly Qytaıǵa ótetin Qazaqstannyń balyq ónimderiniń ımport kólemi jyl saıyn artyp keledi, dep habarlaıdy kazakh.people.com.cn saıty.


null

«Qorǵas» keden beketi arqyly Qazaqstannan muzdatylǵan ıtbalyq, alabuǵa, tabanbalyq, kókserke sııaqty balyq túrleri ımporttalady. Qytaı «Qorǵas» kedeniniń usynǵan málimetine qaraǵanda, 2019 jyldyń 5 aıynyń qortyndysy boıynsha, Qytaıǵa ımport quny 10 mıllıon ıýan bolatyn balyq jetkizilgen. Bul kórsetkish ótken jylmen salystyrǵanda 15 esege artyq. Al Qazaqstannan ımporttalǵan balyqtardyń barlyǵy qolda ósirilmegen, tabıǵı sý aıdyndarynda ómir súretin sapasy joǵary balyqtar. Sondyqtan Qazaqstan balyqtary Qytaıda erekshe suranysqa ıe bolyp otyr», - dep jazady People Daily.

Túrkııada tuńǵysh Teńiz murajaıy 1897 jyly qurylǵan - TRT

Túrkııanyń tuńǵysh teńiz murajaıy 1897 jyly sol kezdiń Teńiz mınıstri Hasan Húsnú Pashanyń buıryǵymen Stambýlda quryldy, dep jazady Túrkııa Radıo Televızııa portaly.


null

«1914 jyly Teńiz mınıstri bolǵan Djemal Pasha murajaıda reforma jasap, murajaıdyń ǵylymı maǵynada qaıta rettelýi úshin murajaı basshylyq mindetine kapıtan, sýretshi Alı Samı Boıardy taǵaıyndady. Boıar túrik kemeleriniń tolyq jáne jartylaı modelderiniń jasalýy úshin sheberhana quryp, murajaıdyń damýyna úles qosty. Ekinshi dúnıejúzilik soǵys barysynda murajaıdy qorǵaý maqsatynda Anadolyǵa kóshirilgen tarıhı jádigerler soǵystan keıin ornyna qaıta jetkizildi. Murajaı 1949 jyly Dolmabahche meshiti keshenesine, artynan Beshıktash aýdanyna qazirgi mekenine kóshirildi. Padısha qaıyqtary, túrli kemeler, týlar, teńizshi kıimderi, qoljazbalar, kartalar, kartınalar, alýan túrli qarýlar kórmege qoıylǵan Stambýl Teńiz murajaıy - Túrkııada qurylǵan tuńǵysh áskerı murajaı», - dep jazady TRT.

«Baqty» keden beketinde jańa saýda bazary ashyldy - Qytaıdyń «Ortalyq halyq radıosy» (CNR)

Qazaqstan men Qytaı shekarasyndaǵy «Baqty» keden beketinde 18-shi maýsym kúni halyqqa qoljetimdi saýda-sattyq jasaıtyn jańa saýda bazarynyń resmı ashylýy ótti, dep habarlaıdy Qytaılyq kazakcnr.com saıty.

null

Atalǵan BAQ-tyń jazýynsha, Qytaı Halyq respýblıkasynyń Shyńjan ólkesi 8 memleketpen shektesedi. Osy eldermen arada 1-shi dárejeli 19 shekara beketi bar. Qazirge deıin osy ótkizý beketteriniń 10-nyn da shekara saýda bazary ashylǵan.

«Qytaıdyń «Baqty» keden beketindegi Jańadan salynǵan saýda kesheniniń negizgi ǵımaratynda taýarlar kórmesi, iskerlik keńes ortalyǵy, túrli saýda ortalyqtary orynalasqan. Qazaqstandyq kásipker Aıdos Ertarǵynuly bul bazardyń eki el saýdagerleriniń saýda jasaýyna qolaıly bolǵanyn aıtady.

«Buryndary saýda jasaý úshin qazaqstandyqtar kóbinese Úrimji qalasyna sabylatyn, endi mine shegara túbinde, jaqyn jerden úlken saýda bazary ashylyp bizge qolaıly boldy, osy múmkindikti paıdalanyp saýdamyzdy jandandyryp, keńeıtetin bolamyz»,- deıdi Aıdos Ertarǵynuly.


null

Al, Qytaılyq kásipker Sáýle Moldııarqyzy osy saýda bazarynan 56 m² bólmeni jalǵa alyp, Qytaıda suranysy joǵary Qazaqstanyń sapaly, ekologııalyq taza azyq-túlik ónimderin satatyn dúken ashqan. Bılik halyqqa qoljetimdi saýda-sattyq jasaıtyn bazardyń tımdiligin arttyrý úshin saýdagerlerge kóptegen jeńildikter jasaǵan. Sol tıimdiliktiń arqasynda ákimshilik kásipker Sáýleniń azyq-túlik satatyn dúkeniniń 3 jyldyq jalǵa alý aqysyn almaıtyn bolyp sheshken. Sonymen birge bazardyń basqarý qarajaty, sý, jaryq aqysy da bir jylǵa keshirim etilgen», - dep jazady CNR.

Ońtústik Koreıa ózbekstandyq mıgranttar úshin beriletin kvotany azaıtty - «ÓzA» aqparattyq agenttigi

Tashkentte Aqparattyq jáne buqaralyq kommýnıkatsııalar agenttiginde Ózbekstan Respýblıksynyń Jumyspen qamtý jáne eńbek qatnastary mınıstrligi basshysy men laýazymdy tulǵalardyń qatysýymen ashyq kezdesý ótti, dep habarlaıdy Ózbekstannyń «ÓzA» memlekettik aqparattyq agenttigi.

Atalǵan aqparat kóziniń jazýynsha, mınıstr Sherzad Kýbdıev, Koreıa ne úshin ózbekstandyqtarǵa mıgranttyq kvotany azaıtqandyǵy jaıyndaǵy suraqqa jaýap bergen.


null

«Bizde synaqtan jaqsy ótken azamattar Koreıa eline barǵan soń bilimi tómen ekeni anyqtalǵan. Budan basqa, mıgranttarymyz Koreıada jumysqa barǵannan keıin jumys oryndaryn aýystyryp, basqa jaqsy oryndarǵa jaıǵasyp alǵan. Eki el arasyndaǵy kelisimshartty osylaı buzý nátıjesinde koreıalyq áriptesterimiz aldynda yńǵaısyz jaǵdaıda qalyp turmyz. Aldaǵy kezde kelisimdi buzǵan azamattarǵa aıyppul baǵasyn asyratyn bolamyz. Sebebi káristerdiń ózbek mıgranttary úshin beriletin kvotany azaıtýynyń negizgi sebepteri osylar. Qazirde ózbekstandyq 2 mıllıonǵa jýyq azamattar Koreıada jumys jasaıdy. Bir jylda elge ortasha 4 mlrd dollar keledi. Olardyń arasynda zań buzǵandary bar, olardy Koreıa elinde ýaqytsha tutqyndalǵan jerinen koreı elimen kelisimge kelip elge qaıtardyq», - deıdi mınıstr Sherzad Kýbdıev.

Baqytjol Kákesh

Bizdiń kanalymyzǵa jazylyńyz:

Basty sózder: BAQ, Qoǵam,
Bólisińiz:

Avtor:

Baqytjol Kákesh

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT