Shymkenttik polıtseılerge 63 qyzmettik avtokólik berildi
2022 jylǵy 21 qańtar 19:10

Shymkenttik polıtseılerge 63 qyzmettik avtokólik berildi

ShYMKENT. QazAqparat – Shymkent qalasynyń polıtseılerine 63 qyzmettik avtokólik berildi, dep habarlaıdy QazAqparat tilshisi.

Barlyq avtokólikter zamanaýı arnaıy tehnıkamen, beınetirkeýishtermen jáne navıgatsııalyq júıelermen jabdyqtalǵan. Bul tártip saqshylarynyń jumysyn úılestirýge jáne oqıǵa ornyna nemese kúzetiletin obektige kelý ýaqytyn azaıtýǵa múmkindik beredi.

Shymkent qalasy Polıtsııa departamentiniń bastyǵy Eraly Jumahanbetov qıyn-qystaý kezde qoǵamdyq qaýipsizdikti jáne azamattardyń tynyshtyǵyn qamtamasyz etken tártip saqshylaryna alǵysyn bildirdi. Sondaı-aq Memleket basshysynyń «Qadamdyq qoljetimdiliktegi polıtsııa» qaǵıdatyn odan ary iske asyrýǵa baǵyttalǵan shara ekendigin aıtyp ótti. Jańa avtokólikter polıtseılerdiń shaqyrtýlarǵa shuǵyl jetýge múmkindik beretinine senim bildirdi.

«Búginde elimizde polıtsııanyń jumysyna barynsha qoldaý kórsetilip, ońtaıly jaǵdaı jasalýda. Bul turǵyda el Prezıdenti Qasym-Jomart Kemelulyna úlken alǵysymdy bildiremin», - dedi Eraly Jumahanbetov.

Eske sala keteıik, qańtar aıynyń basynda bolǵan jappaı tártipsizdik saldarynan Shymkent qalasy Polıtsııa departamentiniń birqatar qyzmettik avtokóligi zaqymdanyp, isten shyqqan bolatyn.


Jańalyqtar

MURAǴAT