+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Shymkenttik oqýshy shashbaýdyń omyrtqa qısaıýynyń aldyn alatynyn dáleldedi

2020 jylǵy 22 qazan 01:51
Bólisińiz:
Shymkenttik oqýshy shashbaýdyń omyrtqa qısaıýynyń aldyn alatynyn dáleldedi

ShYMKENT. QazAqparat - Shymkentte Nazarbaev zııatkerlik mektebiniń 12-synyp oqýshysy Ásel Musaeva shashbaýdy omyrtqa qısaıýynyń aldyn alý maqsatynda qoldaný qurylymyn zerttep, bul tabysty jumysy úshin avtorlyq quqyq aldy, dep habarlaıdy QazAqparat tilshisi.

Joba avtory zertteý jumysynda qazaq sulýlarynyń ádemi músinine yqpal etken, mezgilsiz ájimderdiń paı̆da bolýyna jol bermeı̆tin jáne qan aı̆nalymyn jaqsartatyn shashbaý jáne sholpy sekildi ulttyq áshekeı̆lerimizdi negizge alǵan.

«Shashbaýdy paı̆dalanǵanda qaýipsizdikti, qoljetimdilikti jáne qolaı̆lylyqty qamtamasyz etý maqsatynda avtor artyq bólshekterdi alyp tastap, qazirgi jıyrma birinshi ǵasyrǵa saı̆ etip ónimdi qaıta jańartty. Nátıjesinde bul shashbaý omyrtqanyń moı̆yn-jaq bóligindegi buzylýdyń aldyn alýǵa kómektesedi. Onymen qosa, vegeto-tamyr aýrýlarynyń sanyn azaı̆týǵa septigin tıgizedi» delingen habarlamada.

Ǵylymı joba jetekshisi - ustaz Janna Dúı̆senbıeva.

«Shashbaýdyń basty fýnktsııasy - shashqa sán berý nemese onyń syldyry arqyly nazar aýdartý emes. Ony qyz balanyń tik tulǵasynyń qalyptasýyna jaýapty aksessýar retinde qarastyrǵan jón. Shashbaý - bastyń óz osinen aýytqymaýyna qajet qural. Shashbaý salmaǵynyń qyz balanyń jas ereksheligine qaraı aýyrlap otyrýynyń da sebebi sol» deıdi Janna Altynbekqyzy.


Foto: mail.kz


Bizdiń kanalymyzǵa jazylyńyz:

#Bilim   #Shymkent  
Bólisińiz:

Avtor:

Janat Qapalbaeva

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT