+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Shymkenttik áıel túrkistandyq boıjetkendi Atyraý oblysynda jezókshelikke salǵan

2021 jylǵy 27 qyrkúıek 12:57
Bólisińiz:
Shymkenttik áıel túrkistandyq boıjetkendi Atyraý oblysynda jezókshelikke salǵan

NUR-SULTAN. QazAqparat – «Stop-trafık» operatsııasynyń aıasynda Túrkistan oblysynyń 22 jastaǵy turǵynyn Atyraý oblysynda jezókshelikke salǵan shymkenttik áıel ustaldy, habarlaıdy QazAqparat tilshisi.

Uqsas jańalyqtar
Almaty oblysynda jeńgetaılyqpen aınalysqan 40 jastaǵy kelinshek ustaldy

Іshki ister mınıstrliginiń aqparat alańynda Krımınaldyq polıtsııa departamenti bastyǵynyń orynbasary Qanat Nurmaǵambetov osyndaı derek keltirdi.

«Atyraý oblysynda jezókshelikke ıtermeleý faktisiniń joly kesildi. Shymkent qalasynyń 27 jastaǵy turǵyny Túrkistan oblysynyń 22 jastaǵy turǵynyn aldap, qorqytý arqyly 4 aı boıy jezókshelikke paıdalanǵan. Kúdikti 22 jastaǵy qyzdyń derekterin ınternetke salyp, ıntımdik qyzmetter kórsetetini týraly habarlama jarııalap otyrǵan. Bul fakti boıynsha qylmystyq kodekstiń 308 baby, 1-bóligimen is qozǵaldy», - dedi departament basshysynyń orynbasary.

Sondaı-aq, «Stop-trafık» operatsııasynyń aıasynda «Qaraǵandy oblysyndaǵy Balqash qalasynyń 22 jastaǵy turǵyny ustalǵan.

«Ol kámeletke tolmaǵan tulǵany aldaý arqyly jáne onyń táýeldiligin paıdalanyp, 3 apta boıy jezókshelikke tartyp, jalǵa alynǵan páterlerde «klıenttermen» ıntımdik qyzmet kórsetý úshin kezdestirip otyrǵan. Bul fakti boıynsha qylmystyq kodekstiń 134-babymen (Kámeletke tolmaǵan adamdy jezókshelikke tartý) qylmystyq is qozǵaldy», - deıdi Qanat Nurmaǵambetov.

Onyń sózine qaraǵanda, polıtsııa adam saýdasynan qutqarylǵandardyń bárine qajetti kómek pen arnaıy áleýmettik qyzmetter kórsetilýin qamtamasyz etken.

«Polıtsııa qyzmetkerleri Aqtóbe oblysyndaǵy sharýa qojalyqtarynyń biriniń basshysyn ustady. Ol 2 aı boıy 57 jastaǵy er adamdy qorqytyp ustap, jumysqa salǵan. Zardap shegýshi mal baqqan. Úıde jerde uıyqtap, qashýǵa árekettengenimen, qaıtarylyp otyrǵan. Qylmystyq kodekstiń 128-babymen qylmystyq is qolǵaldy», - dedi ІІM ókili.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT