+7 (701) 759 90 19
USD 387.14 EUR 428.18
RUB 6.06 CNY 55.23
Jańalyqtar

Shymkentte jolaýshy balasyn qujatsyz ushaqqa mingizbegen Air Astana qyzmetkerine qol kóterdi

2019 jylǵy 16 qazan 11:12
Bólisińiz:
Shymkentte jolaýshy balasyn qujatsyz ushaqqa mingizbegen Air Astana qyzmetkerine qol kóterdi

NUR-SULTAN. QazAqparat – Shymkenttik jolaýshy áıel kámelet jasyna tolmaǵan balasyn ushaqqa qujatsyz mingizýin talap etken, dep habarlaıdy QazAqparat.

«8 qazan kúni 4 kámelet jasqa tolmaǵan balasy jáne bala kútýshisimen jolaýshy Shymkent áýejaıyna keldi. Ol balalarynyń biriniń qujaty joqtyǵyn aıtyp, ony Nur-Sultan qalasy reısine tirkeýin suraǵan. Tirkeý jónindegi agent jolaýshyǵa ushýǵa tirkelý úshin mindetti túrde qujat bolýyn habardar etti. Degenmen jolaýshy áýekompanııa qyzmetkerine til tıgizip, odan balasyna otyrǵyzý talonyn berýin talap etti. Zań talaptaryn túsindirgen áýekompanııanyń qyzmetkerine jolaýshy dórekilik tanyta otyryp, basqa jolaýshylarǵa kedergi jasaýmen qatar balalaryn júk tasymaldaý jolaǵyna otyrǵyzyp qoıdy. Sonymen qatar ol ózin órteıtinin jáne ashtyq jarııalaıtynyn aıtty. Sońynda áýekompanııanyń qyzmetkerine eki ret soqqy tıgizdi», - dep habarlaıdy «Air Astana» áýekompanııasy.

Habarlamada aıtylǵandaı, óz kezeginde áýekompanııa qyzmetkeri quqyq qorǵaý organdaryna jolaýshynyń ústinen shaǵym jazdy.

«Áýekompanııa óz qyzmetkeriniń bul áreketin qoldaıdy. Sebebi áýekompanııa qyzmetkeriniń eshqandaı qoqan-loqqysyz óz mindetin atqarýǵa quqyǵy bar. Bul áýe keńistigindegi qaýipsizdik pen tártipti qamtamasyz etýde mańyzdy. Aıta ketý kerek, zardap shekken áýe kompanııa qyzmetkeri de kópbalaly ana. Ol kámelet jasyna tolmaǵan 4 balany tárbıeleýde», - dep jazylǵan habarlamada.

Sondaı-aq, atalǵan áýekompanııa ushý aldynda jolaýshylardyń qujatyn tekserý zańǵa sáıkes júrgiziletinin eskertedi.

«QR zańnamalyq normalaryna sáıkes kámelet jasqa tolmaǵan balalar men jasóspirimderden ushý kezinde olardyń qujattarynyń talap etiletinin, sonymen qatar oǵan jaýapty azamattyń da qujaty bolýy kerektigin eskertedi. Áýe reısine tirkeý kezinde áýekompanııa qyzmetkerleri barlyq jolaýshylardyń qujattaryn tekserýge mindetti», - delingen kompanııa taratqan aqparatta.

Bizdiń kanalymyzǵa jazylyńyz:

Basty sózder: Oqıǵa, Kólik, Shymkent,
Bólisińiz:

Avtor:

Álı Ibraev

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT