Shymkentte jol jóndegen kompanııalarǵa 68 ret aıyppul salynǵan

ShYMKENT. QazAqparat – Shymkentte jol jóndegen merdiger kompanııalarǵa 68 ret aıyppul salynǵan. Polıtseıler joldarda júrgizilip jatqan qurylys jumystarynyń jol qozǵalysy qaýipsizdigin qamtamasyz etpegeni jáne búldirip lastaǵanyn anyqtaǵan, dep habarlaıdy QazAqparat tilishisi.

Qalalyq PD baspasóz qyzmetiniń málimetinshe, bıylǵy jyl basynan avtokólik joldarynyń jaı-kúıine 500 ret tekseris júrgizilgen. Keshendi tekserý nátıjesimen anyqtalǵan kemshilikterdi joıý úshin tıisti mekemelerge 458 uıǵarym joldanǵan. Al merdiger kompanııalarǵa 70-ke tarta ákimshilik hattama toltyrylǵan.

Sondaı-aq, tártip saqshylary 147 mekteptiń aldyndaǵy joldardy zerdelegen. Ondaǵy syzylǵan jaıaý júrginshiler jolaqtaryn qaıta jańartqan.

Joldardyń ınfraqurylymyn damytý jáne avtokólikterdiń keptelisterin azaıtý maqsatynda D.Qonaev dańǵyly men T.Rysqulov kóshelerinde úlken jol aıryǵyn salý jumystary júrgizilýde.