+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Shymkentte joǵary sapaly ortopedııalyq ónimder shyǵarylady

2020 jylǵy 8 shilde 05:23
Bólisińiz:
Shymkentte joǵary sapaly ortopedııalyq ónimder shyǵarylady

ShYMKENT. QazAqparat – Shymkenttik «Maraı E7 Grýpp» kompanııasy elimizdiń barlyq emdeý mekemelerinde suranysqa ıe joǵary sapaly ınnovatsııalyq ortopedııalyq ónimderdi shyǵarady. Kásiporyn ortopedııalyq jáne travmatologııalyq ónimderdi shyǵarý salasynda ımportty almastyrýǵa baǵyttalǵan, dep habarlaıdy QazAqparat tilshisi.

Kásiporyn dırektorynyń orynbasary Ǵalymjan Talasovtyń aıtýynsha, «Maraı E7 Grýpp» kompanııasy 2017 jyldyń qańtarynda ınvestıtsııalyq-óndiristik joba aıasynda júzege asyrylǵan. Búginde kompanııada 40-qa jýyq adam jumyspen qamtylǵan.

Ónim sapasyna erekshe nazar aýdarylatyn kásiporynda barlyq óndiristik protsesteri, jetkiziletin shıkizat pen materıaldar, daıyn ónim men adam resýrstary, temperatýralyq rejım men qaýipsizdik tehnıkasy jáne eńbekti qorǵaý máseleleri ISO 13485 halyqaralyq standartynyń sertıfıkatyna sáıkes qatań baqylanady.

Búginde kompanııa ónimderi Qazaqstannyń emdeý mekemelerinde keńinen qoldanylyp keledi. Munda joǵary tehnologııalyq polıýretandy ortopedııalyq bıntterden, shınalardan jáne ımmobılızatsııalaıtyn «Marai»medıtsınalyq buıymdary men gıps bınti shyǵarylady. Jyldyq ónim kólemi - 500 myń ortopedııalyq bınt pen 224 myń qorap Splint ortopedııalyq shınasy, 50 myń rýllon qorap Roll Splint ortopedııalyq shınasy.

Daıyn medıtsınalyq ónimge kórshiles elder de qyzyǵýshylyq tanytyp otyr. Ortopedııalyq ónimderdi shyǵarý boıynsha zaýyt Ońtústik Koreıa kompanııasymen seriktes. Ózara túsinistik pen dostyq qarym-qatynastyń arqasynda zaýyt mamandary Ońtústik Koreıada bilimin jetildirip kelgen.

Kásiporyn qyzmetkerleriniń kásibı deńgeıin arttyrýǵa kóp kóńil bólingen. Basshylyq syrtqy oqýdan ótetinderge qosymsha aqy tóleıdi jáne biliktilikti arttyrý jáne qaýipsizdik tehnıkasy jónindegi kýrsty qarjylandyrady.

Zaýytta negizinen zamanaýı úlgidegi jabdyqtar ornatylǵan. Mundaǵy protsester ishinara avtomattandyrylǵan. Shıkizat pen materıal sapasyn qamtamasyz etý úshin kásiporynda sapany tehnıkalyq baqylaý bólimi men zerthana da jumys isteıdi.

«Kompanııanyń medıtsınalyq buıymdary emdeý-jaraqat bólimshelerinde joǵary suranysqa ıe jáne laıyqty baǵalanyp otyr. Kásiporyn allergııa týǵyzbaıtyn, isinbeıtin, shashylmaıtyn jáne rentgendik dıagnostıkaǵa kedergi keltirmeıtin zamanaýı, sapaly, jeńil jınalatyn medıtsınalyq buıymdardy shyǵaryp keledi. Nátıjesinde kásiporynda tapsyrys berýshilerdiń sany kún sanap artýda. Daıyn ónimdi negizinen otandyq tutynýshylar paıdalanýda. Sondaı-aq, alys jáne jaqyn shetelderdiń turǵyndary da tapsyrys beredi»,- deıdi Ǵalymjan Talasov.





Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT