+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Shymkentte jalǵan aqparattyń kesirinen balyqtyń saýdasy toqtap qalǵan

2020 jylǵy 26 mamyr 02:42
Bólisińiz:
Shymkentte jalǵan aqparattyń kesirinen balyqtyń saýdasy toqtap qalǵan

ShYMKENT. QazAqparat – Shymkentte jalǵan aqparattyń kesirinen balyqtyń saýdasy toqtap qaldy. 50-ge tarta saýda nysanynyń satýshylary bazynasyn aıtyp, bılikten kómek surady, dep habarlaıdy QazAqparat tilshisi.

Uqsas jańalyqtar

Balyq bıznesimen aınalysatyn kásipkerlerdiń aıtýynsha, buǵan áleýmettik jelide «Syrdarııanyń balyǵy ýlanǵan, eki jylǵa deıin jeýge bolmaıdy» degen jazbanyń taralýy sebep bolǵan. Osydan keıin jurt balyq alýdy toqtatyp, bazarlar men saýda nysandarynda ónim ótpeı qalǵan. Kóp jyldan beri balyq saýdasyn kásip etken Kámil Qasymbek kúndelikti tabystan qaǵyldyq dep ashynady. Saýdager buryn kúnine 200 kelige deıin balyq satsa, qazir alýshy joq ekenin alǵa tartady. Saldarynan balyqtar tońaztqyshta qatyp, bazbirin tastap úlgergen.

«Bes kún boldy, balyq sata almaı jatyrmyz. Joq degende 100-200 keli balyq satatynbyz. Qazir 5 keli balyq ta sata almaı qaldyq. Halyq balyq alýǵa qorqyp qalǵan. Bir balyqty syrtqa shyǵarǵan soń keshke sheıin ıistenip qalady. Amal joq, tastaımyz. Shetimizden shyǵynǵa batyp, nesıemizdiń paıyzy ósip jatyr»,- deıdi kásipker Kámil Qasymbek.

Balyq saýdasymen aınalysýshylardyń sózinshe, mundaı qıyndyqtar tek Shymkentte emes, Qyzylorda, Taraz, Almaty qalalarynda da týyndaǵan. Bazarda balyqtyń sapasy týraly anyqtamany kórsetse de, jurt almaı qoıǵan. Saýdagerler endi baǵasyn da birtindep túsire bastaǵanyn aıtady.

«Shymkent boıynsha kúnine 15 tonnaǵa deıin balyq satylatyn. Qazir 1 tonna túgili, 100 keli de satylmaı qaldy. Qazaqstan boıynsha barlyq kásipkerler saýda joq dep shyryldaýda. Bizge balyq Shardara, Kóksaraı, Bógen, Balqash, Atyraýdan keledi. Arasynda aýrý balyq joq. Kúndelikti mamandar tekserip otyrady»,- deıdi kásipkerlerdiń biri Gúljan Tórebekova.

Saýdagerler táýligine 100 myńnan 1 mıllıon teńgege deıin shyǵyndanyp otyrǵanyn aıtady. Soǵan qaramastan saýda ornynyń jaldaý aqysy men salyǵyn da tólep tur. Tipti qolda bar taýardy sasytyp almas úshin tońazytqyshtardy da toltyryp tastaǵan. Endigi jerde saqtaıtyn oryn qalmaı barady.

Al, jelide taraǵan aqparatty balyq salasyna jaýapty mamandar teriske shyǵardy. Inspektorlardyń sózinshe, «balyq ýlanǵan» degen qańqý sóz shyndyqqa janaspaıdy.

«Ózbekstanda ornalasqan Sardoba sý qoımasy men Syrdarııa ózeniniń araqashyqtyǵy alys, bir-birinen alshaq jatqany belgili. Syrdarııa ózeni men Shardara sý qoımasynda eshqandaı aýrý balyq joq ekenin men resmı túrde málimdeımin»,- deıdi Túrkistan oblystyq orman sharýashylyǵy jáne janýarlar dúnıesi aýmaqtyq ınspektsııasynyń bólim basshysy Sháken Boranbaı.

Qalaı bolǵanda da áleýmettik jelide jalǵan aqparat taratqandardyń máselesi tekserilip, zań sheńberinde jaza qoldanylmaq. Qazir qańqý sózdi kim jáne ne úshin taratqany anyqtalýda. Sondyqtan mamandar Syrdarııa men Shardaranyń balyǵyn jurt qoryqpaı jese bolady dep otyr.






Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT