Shymkentte úsh jigit jol erejesin óreskel buzyp, ony vıdeoǵa túsirip jelide jarııalaǵan

ShYMKENT. QazAqparat - Shymkent polıtseıleri áleýmettik jelilerge monıtorıng júrgizý barysynda jol erejesin buzý jaıty túsirilgen vıdeony anyqtady, dep habarlaıdy QazAqparat.

Patrýldik polıtsııa polkiniń qyzmetkerleri barlyq quqyq buzýshylardy ustap, ákimshilik jaýapkershilikke tartty.

«Toyota Land Cruiser 200» avtokóliginiń 25 jastaǵy júrgizýshisine qatysty QR ÁQBtK 603-babynyń 1-bóligimen (15 AEK aıyppul) jáne QR ÁQBtK 590-babynyń 1-bóligimen (5 AEK aıyppul) hattama toltyryldy, al «Mersedes benz s400» avtokóliginiń 24 jastaǵy júrgizýshisi QR ÁQBtK 590-babynyń 1-bóligi (5 AEK aıyppul) boıynsha jaýapkershilikke tartyldy.

Sondaı-aq, «Toyota Land Cruiser 200» avtokóliginiń 24 jastaǵy júrgizýshisine qatysty QR ÁQBtK 590-babynyń 1-bóligi (5 AEK aıyppul), QR ÁQBtK 595-babynyń 1-bóligi (5 AEK aıyppul) jáne QR ÁQBtK 603-babynyń 2-bóligi (aıyppul 25 AEK) boıynsha hattama toltyryldy.

Olar óz kinásin moıyndap, júrgizýshilerdi mundaı qatelik jasamaýǵa shaqyrdy.

Jergilikti polıtsııa qyzmeti basqarmasynyń patrýl polıtsııa polki barlyq azamattardan jol qozǵalysy erejelerin saqtaýdy suraıdy.