+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Shymkentte tolassyz jaýǵan jaýynnyń saldarynan úı qulady

2017 jylǵy 21 aqpan 14:08
Bólisińiz:
Shymkentte tolassyz jaýǵan jaýynnyń saldarynan úı qulady

ShYMKENT. QazAqparat - Shymkentte tolassyz jaýǵan jaýynnyń saldarynan turǵyn úı qulady. Onsyz da apatty dep tanylǵan baspana jańbyrǵa shydas bermeı opyrylyp qalǵan. Abyroı bolǵanda shańyraqtaǵy alty bala aman, -dep habarlaıdy QazAqparat HAA tilshisi.

Oqıǵa túngi saǵat 3-00-der shamasynda bolǵan. Ekiqabatty turǵyn úıdiń ishinde bir emes, aǵaly-inili qos otbasy músheleri shyrt uıqyda jatqan. Eski úı shydas bermeı, jermen jeksen bolǵanda kórshilerdiń de záre-quty qashypty. Sebebi, qatty daýystan olar da oıanyp ketken.
nullnull

«Dereý dalaǵa jalańash júgirip shyǵyp, áıteýir kórshiler bolyp balalardy úıden alyp shyqtyq. Eshqaısysy zardap shekpedi abyroı bolǵanda. Qudaı betin aýlaq qylsyn. Myna úılerdiń barlyǵy qulaıyn dep tur»,- deıdi kórshisi Kárıma Ábdikárimova.

Alty balamen dalada qalǵan qos otbasy qazir kórshi-qolańdy panalap otyr. Olardyń ózderiniń jaǵdaıy nashar. Bir kezderi apatty dep tanylyp, súrilýi tıis bolǵan eski úıde turady.
nullnull

«Alty balamen dalada qaldyq. Qujattardy ǵana alyp úlgerdik. Barlyq zattarymyz syndy. Qırady. Endi mynaý ákimshilik kómektesse,- degen ótinishimiz bar», - deıdi úı ıesi Nuraı Qýandyqova.

Mundaǵy turǵyndardyń sózinshe, Qoshqarata ózeninen aqqan sý úı qabyrǵasyn jaryp shyqqan. Sodan qabyrǵalar úgitilip, baspana qulap qaldy. Osy kóshedegi ózge úılerdiń de jaǵdaıy osyndaı kez-kelgen ýaqytta qulap qalýǵa shaq qalyp tur. Jańadan salyp alaıyn dese sáýlet-qurylys basqarmasy ruqsat bermeıdi, deıdi.
null

«Ákimshilikke talaı ret bardyq. Osydan eki-úsh jyl buryn bul úıler súriledi degen. Biraq, sodan keıin habar joq. Mine, mynany kórip tusyzdar ma, eki arnada aqqan sý úı qabyrǵasyn jaryp shyqqan. Úıdiń gaz júıesine qosylmaǵany qandaı jaqsy boldy. Áıtpese kúli kókke ushar edi», - deıdi kóshe tóraıymy Klara Meńdikeeva.

Aıtpaı kelgen apattyń shyǵyn mólsherin qazir arnaıy qurylǵan komıssııa anyqtap jatyr.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT