+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Shymkentte Shámshi Qaldaıaqovtyń eskertkishine gúl shoqtary qoıyldy

2020 jylǵy 15 tamyz 12:43
Bólisińiz:
Shymkentte Shámshi Qaldaıaqovtyń eskertkishine gúl shoqtary qoıyldy

ShYMKENT. QazAqparat – Shymkentte Shámshi Qaldaıaqovtyń 90 jyldyǵyna oraı qala ákimi Murat Áıtenov pen bir top óner adamdary sazgerdi eske alyp, erekshe qurmet kórsetti. Ánuran avtorynyń esimimen atalatyn kóshedegi sazgerdiń eskertkishine gúl shoqtaryn qoıdy, dep habarlaıdy QazAqparat tilshisi.

Sharaǵa qala basshylarynan ózge kompozıtor-ánshi Quralaı Sátmuhambetova men mádenıet úıiniń dırektory Nurlan Ádilhanov, kompozıtor Qaldybek Qurmanáli men mádenıet qaıratkeri, Shymkent qalalyq opera jáne balet teatrynyń ánshisi Úrálhan Seıilbekova qatysty. Mádenıet qyzmetkerleri Shámshi eskertkishi aldynda Qaldaıaqov ánderinen popýrı oryndap, estelikter aıtty.

«Búgin qazaq halqynyń rýhanııaty men mýzykalyq mádenıetinde ózindik orny bar dara daryn, dańqty kompazıtor Shámshi Qaldaıaqovtyń týǵanyna 90 jyl tolyp otyr. «Qulaqtan kirip, boıdy alar» ásem ánderimen halyqtyń yqylasy men súıispenshiligine bólengen óner ıesiniń toqsan jyldyǵy — búkil elimizge ortaq mereke. Táýelsizdik jyldarynda Shámshi Qaldaıaqovtyń shyǵarmashylyǵyn nasıhattaý baǵytynda aýqymdy ister atqaryldy. Elbasy Jarlyqtarymen óner ıesine Qazaqstannyń halyq ártisi ataǵy men Qazaqstan Respýblıkasynyń Memlekettik syılyǵy berilip, onyń «Meniń Qazaqstanym» áni memlekettik Ánuran retinde tańdap alyndy. Pandemııaǵa qaramastan bıyl da osy dástúr jalǵasyn taýyp otyr. «Shymkent – TMD elderiniń mádenı astanasy» is-sharasynyń aıasynda estradalyq án oryndaýshylar arasynda Shámshi Qaldaıaqovtyń 90 jyldyǵyna arnalǵan «Meniń Qazaqstanym» atty onlaın festıval ótýde. Oǵan TMD elderimen qatar AQSh pen Túrkııadan da tanymal oryndaýshylar qatysýda. Bul — Shámshi shyǵarmashylyǵyn halyqaralyq dárejede nasıhattaýǵa qosylǵan eleýli úles dep bilemiz»,- dedi qala ákimi Murat Áıtenov.

Aıta keteıik, qazirgi tańda qalada Shámshi Qaldaıaqovtyń 90 jyldyǵyna arnalǵan onlaın formatta ádebı sazdy keshter men «Shámshi ómirine saıahat» atty vırtýaldy jáne onlaın kórmeler, karaoke jáne taǵy a basqa birqatar is-sharalar uıymdastyrylýda.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT