+7 (701) 759 90 19 Lenta
USD 386.77 EUR 427.26
RUB 6.00 CNY 54.56
Jańalyqtar

Shymkentte «Otbasy Fest» festıvali ótip jatyr

2019 jylǵy 25 tamyz 12:57
Bólisińiz:
Shymkentte «Otbasy Fest» festıvali ótip jatyr

ShYMKENT.QazAqparat – Shymkenttiń ortalyq saıabaǵynda «Otbasy Fest» festıvali bastaldy.

Uqsas jańalyqtar
Atyraýda erekshe balalarǵa arnalǵan ınklıýzıvti synyp ashyldy Atyraýda ınklıýzıvti synyp ashyldy Merki aýdanynda medıtsınalyq kolledj ashyldy


Otbasy ınstıtýtyn nyǵaıtý men neke jáne otbasy qundylyqtaryn nasıhattaýǵa baǵyttalǵan sharaǵa qala turǵyndary men balalar úıleriniń jetkinshekteri, túrli basqarma qyzmetkerleri men BAQ ókilderi qatysýda, dep habarlaıdy QazAqparat tilshisi.

Qalalyq Otbasy, balalar jáne jastar isteri jónindegi basqarma men «Jastar resýrstyq ortalyǵy» uıymdastyrǵan sharaǵa shahardaǵy balalar úılerinen 100-ge tarta jasóspirim qatysyp, óz ónerlerin pash etýde.


Atalmysh sharaǵa 500-ge tarta halyq qatysýda. Onda qala turǵyndary men olardyń otbasy múshelerine arnalǵan sektsııalar uıymdastyrylǵan. Sharada keńes berý buryshy, sporttyq jattyǵýlar, durys tamaqtaný, balalarǵa arnalǵan mýltfılm, konkýrstar, utys oıyndary, tamaq festıvali, kontserttik baǵdarlamalar ótýde. Urpaqtar sabaqtastyǵyn ulttyq dástúrdegi qazaqstandyq otbasynyń úlgisin nasıhattaıtyn, sybaılas jemqorlyqqa qarsy mádenıetti qalyptastyrý men parasattylyq prıntsıpterin engizý máseleleri qamtylýda.


«Mundaı shara qalamyzda ekinshi ret uıymdastyrylyp jatyr. Ótken jyly biz festıvaldi negizinen kishkentaı nárestelerge arnasaq, bıyl mektep oqýshylaryna arnalyp otyr. Atalǵan shara bir kún boıyna uıymdastyrylady. Aktsııa barysynda balalar úıindegi jasóspirimderdiń talantyn shyńdaý maqsatynda kontserttik baǵdarlamalar ótkiziledi. Sonymen qatar tsırk pen qýyrshaq teatrynyń ártisteri óz ónerlerin kórsetýde»,- deıdi Shymkent qalalyq Jastar resýrstyq ortalyǵynyń bólim basshysy Dınara Oralova.


Іs-sharaǵa qatysqan januıa músheleri men jetim jáne ata-anasynyń qamqorlyǵynsyz qalǵan otbasynyń balalary belsendilik tanytýda. Festıval kezinde ata-analar men balalarǵa qajetti qyzmet túrleri kórsetilýde. Onda joǵary bilikti mamandar keńes berip, arnaıy emtıhandar ótkizilip jatyr.


Turǵyndarǵa zańgerlerden keńes alý múmkindikteri de qarastyrylǵan. Vızaj, shashtaraz, tyrnaq árleýshileri de qyzmetterin usynýda. Sondaı-aq ıoga, bı, ashyq aýada fleshmob, kontserttik baǵdarlamalar ótip jatyr.


Balalar men eresekter arasynda sán kórsetilimi ótkizilip, kóńildi konkýrstar men oıyndar ótip jatyr. Jeńimpazdarǵa túrli syılyqtar taratylyp, barlyq januıaǵa arnalǵan tımbıldıngter, ártúrli shoý túrleri uıymdastyrylýda. Atap aıtqanda aına, sabyn, qaǵaz, transformatorlyq shoýlary ótip jatyr. Tramplınder men akvagrımerler, qýyrshaq teatry men aspazdyq stýdııa jáne taǵy basqalary da bar.


Sondaı-aq, qatysýshylarǵa balmuzdaqtar men táttiler úlestirilip, merekelik shara kontserttik baǵdarlamalar qıymdastyrylýda. Sondaı-aq №3 jáne №4 balalar úıi tárbıelenýshilerine «Gaýhar tas» tigin fabrıkasynyń demeýshiligimen jańa oqý jylyna mektep formalary taratylmaq.







Bizdiń kanalymyzǵa jazylyńyz:

Basty sózder: Shymkent, Qoǵam, Bilim,
Bólisińiz:

Aýdarma:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Mýhamedııarova Janara
Mýhamedııarova Janara
954-059
REDAKTOR
Janıbek Amangeldı
Janıbek Amangeldı
954-059

MURAǴAT