+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Shymkentte orta jastaǵy turǵyndar volonter bolýǵa nıet bildirýde

2020 jylǵy 16 aqpan 17:06
Bólisińiz:
Shymkentte orta jastaǵy turǵyndar volonter bolýǵa nıet bildirýde

ShYMKENT. QazAqparat – Shymkenttik «ASAA» jastar qoǵamdyq birlestiginiń prezıdenti Danara Saranova qazir erikti bolýǵa orta jastaǵy turǵyndar da qyzyǵýshylyq tanytyp otyrǵanyn aıtady. Onyń sózinshe, jastardan bólek, 40-50 jastaǵy azamattar da jumystarǵa atsalysqysy keletinin bildirip jatady, dep habarlaıdy QazAqparat tilshisi.

Uqsas jańalyqtar

Mektep oqýshysy bolyp júrip, volonterlik jumysqa erte aralasqan Danara Saranova adamdarǵa kómekteskendi jany jaqsy kóretinin aıtady. Bastapqyda aǵylshyn tilin tegin úırenýge grant jeńip alǵan ol, ýaqyt óte kele qoǵamdyq jumystarǵa qyzyǵýshylyq tanyta bastaǵan.

«2007 jyly mektep qabyrǵasynda oqyp júrip, ACCESS baǵdarlamasy boıynsha jobanyń jeńimpazy atandym. AQSh elshiliginiń Qazaqstandaǵy jobasy negizinde tek til úırenip qoımaı, volonterlik qyzmetti, kóshbasshylyq qabiletti damytý men qaıyrymdylyq sharalaryn uıymdastyrýdy qolǵa aldyq. Balalar úıine baryp, óz qolymyzben jasaǵan qýyrshaqtarmen ertegilerdi aǵylshyn tilinde kórsetip júrdik. Bos ýaqyttyń barlyǵyn túrli jobalarǵa nemese sharalarǵa qatysý arqyly eriktilik jumysqa beıimdele bastadyq. Meniń otbasym da ómirde durys joldy tańdaýyma, adamdarǵa kómektesýime jaǵdaı jasady. Sodan beri osy volonterlik baǵytty tańdap, osy jolmen júrgendi qaladym»,- deıdi D.Saranova.

Búginde boıjetken «Shymkent qalasynyń ACCESS túlekteri «ASAA» jastar qoǵamdyq birlestiginiń prezıdenti qyzmetin atqaryp júr. 2011 jyly qurylǵan uıym mektep oqýshylary men jastarǵa, adagerlerge kómek kórsetedi. Volonterlik, kóshbasshylyq baǵyttarda jumys atqaryp, jastardy óz jobalaryn qorǵaýǵa úıretedi. Qazirgi tańda atalǵan uıym elimizdegi «Ulttyq volonterlik jelisiniń» Shymkenttegi volonterlikti qoldaý ortalyǵynyń ókildigi bolyp tabylady. Qazir Danara Saranova sol ortalyqta dırektorlyq qyzmetin de qatar atqaryp júr. Quramynda 80-ge tarta erikti jınalǵan uıym medıtsına, ekologııa, tóttenshe jaǵdaılar sııaqty ártúrli salada áleýmettik turǵyda kómek kórsetedi. Shymkenttik volonterdiń sózinshe, qazir bul uıymǵa múshe bolǵysy keletinder qatary kún sanap artyp keledi.


«Shymkentte erikti bolǵysy keletin jastar óte kóp. Tek jastar emes, orta jastaǵy jáne odan da úlken 40-50 jastaǵy azamattar da bar. Olar ártúrli baǵytta kómektesip otyrady. Máselen, ákimdikte jumys isteıtin mamandar múshe bolǵysy keletinin aıtady. Olar aptasyna nemese bir aıda bir ret kelip, aqyldasyp, birge jumys isteıdi. Kásipkerlikpen aınalysyp júrgen azamattar da ózderiniń ýaqyty men múmkindigi bar ekenin, kez kelgen jaǵdaıda materıaldyq turǵyda kómektese alatynyn jetkizip jatady. Ózderi kelip qol ushyn beredi. Degenmen, qazirgi eń mańyzdy másele – eriktiler uıymdaryna bir úlken ǵımarat kerek. Nemese kovorkıng ortalyǵy bolsa degen usynysymyz bar. Nur-Sultan qalasyndaǵy front-ofıster basqa óńirlerde de ashylsa, bizdiń jumysymyz odan ári jandana túsetin edi», - deıdi eriktiler uıymynyń basshysy.

Danaranyń aıtýynsha, shymkenttik uıym búginde ózara tájirıbe almasý maqsatynda alys-jaqyn sheteldermen tyǵyz baılanys ornatqan. Reseı, Armenııa, Qyrǵyzstan, Amerıka men Eýropanyń birneshe elderimen birlesip jumys isteıdi. Túrli volonterlikke baılanysty halyqaralyq sharalar uıymdastyryp, dıplomatııalyq turǵyda bir-birine járdem berip otyrady. ártúrli áleýmettik jobalardy da júzege asyryp, tyǵyz qarym-qatynas ornatqan.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT