Shymkentte LRT jáne BRT salynady
2022 jylǵy 1 shilde 13:20

Shymkentte LRT jáne BRT salynady

ShYMKENT. QazAqparat - Shymkenttiń bas josparyna LRT jáne BRT qurylysy engizilip otyr. Bul týraly Ortalyq kommýnıkatsııalar qyzmetinde ótken brıfıngide Shymkent qalasynyń ákimi Murat Áıtenov aıtty, dep habarlaıdy QazAqparat tilshisi.

Shymkent qalasy Bas josparynyń 2012 jyldan beri ózgermegendigin aıtqan qala ákimi jańa ózgeris jasalyp jatqandyǵyn jetkizdi.

«Bizdiń qalanyń bas jospary 2012 jyly bekitilgen. Ol kezde oblystyq qala boldy. Búgin respýblıkalyq qala. Halyqtyń sany 500 bolsa, qazir 1 mln-nan asyp ketti. Sol úshin halyqtyń ósý dınamıkasyna baılanysty ózgerister engizilip jatyr», - dedi qala ákimi.

Sondaı-aq, M.Áıtenov jańa bas josparǵa LRT jáne BRT qurylysy engizilip otyrǵandyǵyn jetkizdi.

«Ótken aptadan bastap 1 aıǵa deıin qala turǵyndarynyń usynysyn qabyldaý bastaldy. Sol jerde LRT men BRT salý týraly usynystar kelip jatyr. Espertterdiń usynysymen mıllıondyq qalaǵa 6 alternatıvti transport kerek. BRT-ny arnaıy jolmen qoldanýǵa bolady. LRT júıesi sheńber bolyp syzylyp jatyr. Ony iske qosý barysyn úkimetpen aqyldasyp júrgizemiz. Úlken jobalardy ınvestorlarmen birge engizetin bolamyz» - dedi ol.


Foto: ortcom.kz



Uqsas jańalyqtar
Seriktester jańalyqtary

Jańalyqtar

Úrdis

MURAǴAT