+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Shymkentte Qyzyl kitapqa engen janýarlar saýdaǵa salynǵan

2017 jylǵy 21 aqpan 18:02
Bólisińiz:
Shymkentte Qyzyl kitapqa engen janýarlar saýdaǵa salynǵan

ShYMKENT. QazAqparat - Shymkentte Qyzyl kitapqa engizilgen janýarlar saýdaǵa salynǵan. Zoobaq jumysyna tekserý júrgizgen óńirdiń tabıǵat qorǵaý prokýratýrasy 10 ákimshilik quqyq buzýshylyq týraly is qozǵady, -dep habarlaıdy QazAqparat HAA tilshisi oblystyq prokýratýranyń baspasóz qyzmetine silteme jasap.

Tabıǵat qorǵaý prokýratýrasy bergen málimetke sáıkes, haıýanattar baǵynyń qyzmetkerleri jeke tulǵalardan Qyzyl kitapqa engen janýarlardy satyp alypty.

Sur kesirtkeni 15 myń teńgege satyp alsa, jylanshy búrkitke 40 myń teńge tólegen. Osylaısha Qyzyl kitapqa engen ań-qusty saýdaǵa salýǵa bolmaıtynyn bile tura zańbuzýshylyqqa jol bergen. Bul týraly quzyrly organdarǵa habarlamaǵan.

Zoobaqtaǵy kemshilikter bul ǵana emes. Baq basshylyǵy sondaı-aq úsh jyl kóleminde erekshe qorǵalatyn tabıǵı aýmaqty paıdalanǵany úshin bıýdjetke tólenetin 21 mln teńgeden astam mindetti tólemderdi aýdarmaı kelgen. Budan bólek, baqtaǵy ań-qustar der kezinde karantınge qoıylmaı, tıisti talaptar saqtalmaǵan, - deıdi prokýratýra qyzmetkerleri.

Qazirgi tańda Qyzyl kitapqa engizilgen janýarlardy zańsyz saýdaǵa salý deregi boıynsha kináli tulǵalar anyqtalyp, is protsessýaldyq sheshim qabyldaý úshin ishki ister organdaryna joldanǵan.

«OQO mamandandyrylǵan tabıǵat qorǵaý prokýratýrasy «Shymkent memlekettik zoologııalyq parkinde» júrgizilgen tekserý qorftyndysymen zoobaq basshylyǵy men qyzmetkerlerine qatysty QR ÁQBtK-niń ár túrli baptarymen 10 ákimshilik quqyq buzýshylyq týraly is qozǵap, kináli tulǵalar 745 myń teńgeden astam ákimshilik aıyppulǵa jazalandy. Qazirgi tańda salynǵan aıyppuldardyń 397 myń teńgesi óndirildi», - deıdi Tabıǵat qorǵaý prokýratýrasy basqarmasynyń bastyǵy D.Maǵaýın.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT