+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Shymkentte qylmystyq top qurǵan polıtsııa basshylary sottaldy

2019 jylǵy 11 qarasha 14:04
Bólisińiz:
Shymkentte qylmystyq top qurǵan polıtsııa basshylary sottaldy

ShYMKENT. QazAqparat - Shymkentte 26 polıtsııa qyzmetkeri men 12 deldaldar ártúrli merzimge sottaldy. Bir jarym jylǵa sozylǵan sot otyrysynda polıtseılerge 3,5 jyldan 11 jylǵa deıin jaza taǵaıyndaldy, dep habarlaıdy QazAqparat tilshisi.

Uqsas jańalyqtar
Shymkent polıtseıleri mereke qarsańynda kúsheıtilgen rejımde jumys isteýde Shymkent polıtseıleri balalar úıiniń jetkinshekterimen birge jattyǵý jasady Almaty polıtsııasy kúsheıtilgen rejımde jumys istep jatyr

Sotta qylmystyq top uıymdastyrdy dep aıyptalǵan Ońtústik Qazaqstan oblystyq ІІD Ákimshilik polıtsııasy emtıhan-tirkeý basqarmasynyń burynǵy bastyǵy Artyq Japparov 11 jylǵa bas bostandyǵynan aıyryldy.

Taǵy Saıram, Báıdibek, Maqtaaral aýdandarynyń jáne Túrkistan qalasynyń TEB-niń burynǵy basshylary Qýanyshbekov N., Ábdiǵalıev N., Aǵabekov S. jáne Túregeldıev M. 10 jyldan jaza arqalady. Ózge aıyptalýshylarǵa 8 jyl, 6 jyldan jaza taǵaıyndaldy. Taǵy 23 adamǵa ártúrli merzimge bas bostandyǵyn shekteý jazasy belgilenip, olar sot zalynan bosatyldy.

Sottalǵandarǵa sondaı-aq, Qylmystyq kodekstiń 218-baby «Qylmystyq jolmen alynǵan aqshany jáne (nemese)ózge múlikti zańdastyrý» boıynsha taǵylǵan aıyp dáleldenbegeni úshin bul bap boıynsha aqtaldy. Úkim kezinde QR QK 369 «Qyzmettik jalǵandyq jasaý» baby merzimi ótýine baılanysty qysqartylǵany aıtyldy.

Aıta sottalǵan 26 polıtseı shenderinen jáne memlekettik qyzmette ómir boıy qyzmet atqarýǵa, arnaıy ataqtar alý quqyǵynan aıyryldy. Bas bostandyǵy shektelgen 23 sottalýshydan eshqaıda ketpeý týraly qolhat alyndy. Eske sala keteıik, buǵan deıin Shymkentte 26 polıtsııa qyzmetkeri men 12 deldalǵa qatysty úkim oqyla bastaǵan edi. Aıyptalýshylar qatarynda Ońtústik Qazaqstan ІІD Ákimshilik polıtsııasy tirkeý-emtıhan basqarmasynyń burynǵy basshysy Artyq Japparov, memlekettik jol ınspektorlary baǵynatyn úsh aımaqtyq jáne bir qalalyq bólim deńgeıdegi TEB basshylary, krımınalıster, sondaı-aq kólik alyp satýmen aınalysqan deldaldar bar. Olarǵa qatysty sybaılas jemqorlyqqa qarsy qyzmetimen sotqa deıingi tergeý jumystary eki jylǵa sozylyp, qylmystyq is 1538 tomǵa jınaqtaldy.

Al, sot otyrysy bir jarym jylǵa jýyq ýaqytqa sozyldy. Sottalýshylarǵa para alý, para berý (Sybaılas jemqorlyqqa qarsy qyzmet qyzmetkerlerin jalpy qorǵaý úshin para alýǵa áreket jasaý), qylmystyq jolmen alynǵan múlikti zańdastyrý, qyzmettik jalǵan qujat jasaý, jalǵan qujattardy óndirý, satý jáne paıdalaný, qylmystyq uıym qurý, basqarý jáne oǵan qatysý, júrgizýshi kýálikterin zańsyz berýdiń 144 faktisi jáne Qazaqstan Respýblıkasyna qosalqy bólshekter túrinde kirgizilgen 353 avtomobıldi zańsyz tirkeý arqyly barlyǵy 2,7 mlrd teńge somasyna zııan keltirilgen degen aıyptar taǵylǵan bolatyn.

Eske sala keteıik, buǵan deıin Shymkentte 23 polıtsııa qyzmetkeri men 15 deldalǵa qatysty úkim oqyla bastaǵan edi . Aıyptalýshylar qatarynda tirkeý-emtıhan bóliminiń 5 birdeı basshysy da bar. Eki jylǵa sozylǵan tergeýden soń bastalǵan sot otyrysy bir jarym jyldy qamtydy.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT