+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Shymkentte eki ýnıversıtet bas lıtsenzııasynan aıyrylyp, jabyldy

2021 jylǵy 9 shilde 15:15
Bólisińiz:
Shymkentte eki ýnıversıtet bas lıtsenzııasynan aıyrylyp, jabyldy

ShYMKENT. QazAqparat - Shymkent qalasynda eki joǵary oqý orny bas lıtsenzııasynan aıyryldy. Olar - «Orda» (burynǵy «Silkway halyqaralyq ýnıversıteti») men «Mıras» ýnıversıtetteri, dep habarlaıdy QazAqparat Bilim jáne ǵylym mınıstrligine silteme jasap.

2020 jyly «Orda» jáne «Mıras» ýnıversıtetterin tekserý barysynda bilim salasyndaǵy zańnamany óreskel buzý faktileri anyqtalǵan.

Eki joǵary oqý ornynyń qyzmeti toqtatylyp, olarǵa anyqtalǵan buzýshylyqtardy joıýǵa ýaqyt berildi.

Alaıda joǵary oqý oryndary qatelikpen jumys júrgizbeı, 8 aı komıtettiń lıtsenzııany toqtata turý týraly sheshimine shaǵymdanýmen aınalysty.

Biraq sońynda sot komıtettiń sheshimin óz kúshinde qaldyrý týraly sheshim qabyldady. Al ýnıversıtettiń kóptegen shaǵymdary qanaǵattandyrylmady.

Endi Shymkent qalasynyń mamandandyrylǵan aýdanaralyq ákimshilik sotynyń 1 shildedegi sheshimimen atalǵan eki joǵary oqý orny bas lıtsenzııasynan aıyryldy.

«Osy jyldyń mamyr aıynda qaıta tekserý qorytyndysy boıynsha qateliktermen jumys júrgizilmegeni anyqtaldy. Eń basty másele kadrlardy daıarlaý sapasynda boldy. Mysaly, «Orda» Ýnıversıtetinde oqıtyndardyń 97%-y shekti baldan óte almady jáne oqý protsesinde alynǵan bilim men quzyretterdiń jetkilikti deńgeıin rastaı almady. Eki joo-da kestege sáıkes jappaı sabaq ótkizbeý faktileri anyqtaldy. Aǵymdaǵy baǵalar qoıylmaǵan, bekitilgen kestege sáıkes emtıhandar ótkizilmegen, pánder tolyq kólemde oqytylmaǵan. Tıisti 5 kredıttiń ornyna tek 3 kredıt ıgerildi. Barlyq pán oqý-ádistemelik materıaldarmen qamtamasyz etilmegen. Oqytýshylardyń bekitilgen pedagogıkalyq júktemesi men onyń naqty oryndalýy arasynda úlken aıyrmashylyqtar bar, ıaǵnı oqytýshyda júktemede belgili bir pán boıynsha dáris oqý josparlanýy múmkin, al is júzinde ol ony oqymaıdy», – dep atap ótti QR BǴM Bilim jáne ǵylym salasyndaǵy sapany qamtamasyz etý komıtetiniń joǵary jáne joǵary oqý ornynan keıingi bilim berý salasyndaǵy baqylaý basqarmasynyń basshysy Elvıra Saparbekova.

Buǵan deıin táýelsiz bilim sapasyn qamtamasyz etý agenttigi de osy joǵary oqý oryndaryn akkredıtteýdi toqtatqan edi.

Sondyqtan bul ýnıversıtetter túlekterge dıplom bere almaıdy. Dıplom alý jáne oqýdy aıaqtaý úshin stýdentter basqa ýnıversıtetterge aýysa alady.

Bul joǵary jáne (nemese) joǵary oqý ornynan keıingi bilim berý uıymdary qyzmetiniń úlgilik qaǵıdalarynda kózdelgen.

QR «Bilim týraly» Zańyna sáıkes bilim berý qyzmetimen aınalysýǵa arnalǵan lıtsenzııadan aıyrylǵan nemese bilim berý uıymy taratylǵan kezde quryltaıshy bilim alýshylardy basqa bilim uıymdaryna aýystyrý úshin sharalar qabyldaıdy.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT