Shymkentte eki aı ishinde 6 adam tabıǵı gazdan ýlanyp qaıtys boldy
2022 jylǵy 11 aqpan 00:01

Shymkentte eki aı ishinde 6 adam tabıǵı gazdan ýlanyp qaıtys boldy

ShYMKENT. QazAqparat - Jyl basynan beri Shymkent qalasynda tabıǵı gazben ýlanýdyń 4 jaǵdaıy tirkelip, 6 adam qaıtys boldy. Mamandar qaıǵyly jaıttardyń barlyǵynda gaz qurylǵylarynyń durys ornatylmaǵandyǵyn anyqtaǵan, dep habarlaıdy QazAqparat tilshisi.

Jalpy Shymkent qalasy TJD qyzmetkerleri qańtar, aqpan aılarynda turǵyndarmen 500-ge jýyq jıyn ótkizip, gazdan ýlanýdan saqtaný týraly túsindirý jumystaryn júrgizipti. Nátıjesinde 130 000 jýyq turǵyn qaýipsizdik nusqaýymen qamtylǵan. Sondaı-aq, úı-úıdi aralap jadynamalar taratqan. Ótkiziletin is-sharalar barysynda kóp balaly otbasylarǵa, jalǵyz basty qart adamdarǵa erekshe kóńil bólingen. Al, áleýmettik osal otbasylarǵa 1200-ge jýyq ýly gaz anyqtaıtyn datchıkter ornatylypty.

«Azamattardyń qaýipsizdik mádenıetin arttyrý úshin qutqarýshylar men órt sóndirýshiler jergilikti atqarýshy organdardyń ókilderimen, eriktilermen birlesken reıdter júrgizýde. Úı ıelerine jylytý quraldaryn paıdalaný kezindegi qarapaıym qaýipsizdik erejeleri túsindirip jatyr. Turǵyndar nazar aýdarmaıtyn peshtegi kishkentaı jaryqshaq úlken qaýip tóndiredi» - deıdi Shymkent qalasy TJD memlekettik órt baqylaý basqarma bastyǵynyń orynbasary Elmıra Erejepova.


Seriktester jańalyqtary

Jańalyqtar

Úrdis

MURAǴAT