+7 (701) 759 90 19
USD 414.46 EUR 451.35
RUB 5.77 CNY 58.12
Jańalyqtar

Shymkentte blok beketterdi aınalyp ótpek bolǵan 150 júrgizýshige hattama toltyryldy

2020 jylǵy 2 sáýir 15:56
Bólisińiz:
Shymkentte blok beketterdi aınalyp ótpek bolǵan 150 júrgizýshige hattama toltyryldy

ShYMKENT. QazAqparat – Shymkent qalasyna kirip shyǵýǵa tyıym salynǵan soń, blok beketterdi aınalyp ótpek bolǵan júrgizýshiler kóbeıgen. Búginge deıin qalanyń irgesindegi soqpaq joldarmen júrip ótken 150 kólik júrgizýshisine hattama toltyryldy, dep habarlaıdy QazAqparat tilshisi.

Qarataý aýdanynyń ákimi Abzal Áliqulovtyń aıtýynsha, quqyq qorǵaý organdary aınalma joldardy áýe drondarynyń kómegimen baqylaýǵa alǵan.

«Shekteý qoıylǵan alǵashqy kúni osyndaı joldarmen ótpek bolǵan 150 avtokólik ustalyp, olarǵa tótenshe jaǵdaı rejımin buzǵany úshin ákimshilik hattama toltyryldy. Osyndaı joldardyń barlyǵyn qazyp, avtokólik óte almaıtyndaı etip bekittik. Alaıda, turǵyndar báribir aınalyp ótetin joldar tabady. Sondyqtan quqyq qorǵaý organdarymen birlese otyryp shekarany áýe drondary arqyly baqylaý týraly sheshim qabyldadyq», — deıdi Abzal Áliqulov.

Aýdan ákiminiń aıtýynsha, qala aýmaǵynda 18 blok beket ornatylǵan. Árbir bekette tártip buzýshyny qadaǵalaıtyn jedel top jumys isteýde. Tótenshe jaǵdaı rejiminde zańbuzýshylar anyqtalǵan jaǵdaıda, olar QR Ákimshilik quqyqbuzýshylyq kodeksiniń 476-babyna sáıkes jaýapkershilikke tartylady.

Eske sala ketsek, Shymkentte 31 naýryz kúni saǵat 21.00-den bastap qosymsha shekteý sharasy engizilgen. Qalaǵa kiretin barlyq jol jabylyp, avtokólikterdiń qalaǵa kirýi men shyǵýyna tyıym salyndy. Tek tranzıt júk kóligi men tirshilikti qamtamasyz etetin arnaıy avtokólikterge ruqsat berilýde.


Bizdiń kanalymyzǵa jazylyńyz:

Basty sózder: Kólik, Shymkent, Karantın,
Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT