+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Shymkentte bıyl halyqaralyq jeti is-shara ótedi

2020 jylǵy 4 tamyz 13:23
Bólisińiz:
Shymkentte bıyl halyqaralyq jeti is-shara ótedi

ShYMKENT. QazAqparat – «Shymkent 2020 – TMD elderiniń mádenı astanasy» jyly aıasynda halyqaralyq jeti is-shara ótedi. Elimizde engizilgen karantın rejımine baılanysty barlyq sharalardy onlaın formatta ótkizý josparlanyp otyr, dep habarlaıdy QazAqparat tilshisi.

Qalalyq mádenıet, tilderdi damytý jáne arhıvter basqarmasynyń basshysy Rashıd Myńbaevtyń aıtýynsha, barlyq sharalar tamyz aıynda bastalyp, jyl sońyna deıin jalǵasady.

«Osy ýaqyt aralyǵynda halyqaralyq 7 mádenı shara ótedi. Olar – TMD elderi arasynda halyq aspaptarynda oryndaýshylardyń «Dostastyq halyqtarynyń mýzykasy», qazaqtyń uly kompozıtory, Qazaqstan Respýblıkasy Ánuranynyń avtory Shámshi Qaldaıaqovtyń 90 jyldyǵyna arnalǵan «Meniń Qazaqstanym» estradalyq ánderdi oryndaýshylary, «Shymkent – qaıyrymdy qala» balalar shyǵarmashylyǵyna arnalǵan, «Dostastyqtyń opera juldyzdary» opera oryndaýshylary, TMD elderiniń teatr festıvalderi jáne Qazaqtyń uly oıshyl aqyny Abaıdyń 175 jyldyǵyna arnalǵan «Abaı sózi» onlaın oqý men TMD elderiniń halyqaralyq mýzeı aptalyǵy. Aıta keteıin, atalǵan is-sharalarǵa bıýdjetten qarjy qarastyrylmaıdy», – dedi R. Myńbaev.

Spıkerdiń sózine súıensek, elimizde tótenshe jaǵdaı engizgen ýaqyttan beri qalalyq basqarmanyń 18 mekemesi tarapynan onlaın túrde 820 is-shara uıymdastyrylǵan. 63 beınerolık daıyndalyp, 300 myńǵa jýyq kórermen tamashalaǵan. Bul mádenı sharalarǵa qarjy jumsalmaǵan. ıAǵnı, atalǵan basqarmaǵa bólingen qarjy indetke baılanysty tolyq qaıtarylǵan. Osy rette basqarma basshysy «Shymkent qalashyǵy» (Tsıtadel) nysanyn qaıta qalpyna keltirý jáne abattandyrý men murajaılandyrý jumystary aıaqtalyp jatqanyn alǵa tartyp, kúz aıynda bitetinin aıtty. Saltanatty ashylý rásimi onlaın formatta ótedi dep kútilýde.


Bizdiń kanalymyzǵa jazylyńyz:

#TMD   #Mádenıet   #Shymkent  
Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT