+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Shymkentte bas dárigeri qamaýǵa alynǵan aýrýhanaǵa ýaqytsha jańa basshy taǵaıyndaldy

2019 jylǵy 20 qarasha 15:38
Bólisińiz:
Shymkentte bas dárigeri qamaýǵa alynǵan aýrýhanaǵa ýaqytsha jańa basshy taǵaıyndaldy

ShYMKENT. QazAqparat – Shymkentte bas dárigeri qamaýǵa alynǵan aýrýhanaǵa ýaqytsha jańa basshy taǵaıyndaldy. Qalalyq Densaýlyq saqtaý basqarmasy basshysynyń buıryǵymen bul qyzmetti bas dárigerdiń orynbasary bolǵan Shyńǵys Baımenov atqaratyn boldy, dep habarlaıdy QazAqparat tilshisi.

Uqsas jańalyqtar
Qazaqstanda apta ishinde bolǵan kadrlyq taǵaıyndaýlar Qarqaraly aýdanyna jańa ákim taǵaıyndaldy Aqtóbede «Nur Otan» partııasy oblystyq fılıaly tóraǵasynyń birinshi orynbasary taǵaıyndaldy

Búgin Densaýlyq saqtaý basqarmasynyń basshysy Ashan Baıdývalıev «№1 qalalyq klınıkalyq aýrýhanasyna baryp, ujymmen kezdesti. Jabyq jaǵdaıda ótken basqosýda bas dárigerdiń ýaqytsha mindetin atqarýshy retinde Shyńǵys Baımenovty tanystyrdy. Aıta keteıik, Shyńǵys Bolatuly buǵan deıin atalǵan aýrýhanada bas dárigerdiń hırýrgııa salasy jóninde orynbasary qyzmetin atqarǵan.

Basqarma basshysy sondaı-aq BAQ ókilderine suhbat berip, oryn alǵan qylmystyq jaǵdaıǵa baılanysty pikirin bildirip ótti. Ol bolǵan jáıtti áleýmettik jelilerden kórip, habardar bolǵanyn aıtady.

«Bolǵan jáıtke baılanysty keshe Densaýlyq saqtaý mınıstrine Eljan Birtanovqa, qalanyń ákimi Erlan Aıtahanovqa negizgi málimetterdi jiberdim. Barlyq málimetterdi jazbasha túrde jiberdik. Endi qazir aýrýhananyń ujymyna kelip, osy kisilermen kezdesip, júzdesip, búgingi tańǵa barlyqtarymyzdy sabyrlyq saqtaıyq dep túsindirdim. Negizi barlyǵy zańmen bolý kerek, birinshiden. Ekinshiden, oqıǵanyń anyq-qanyǵyna jetý kerek. Úshinshiden, moraldyq –etıkalyq normalarymyzdy da saqtaýymyz kerekpiz. Búgingi tańda № 1 qalalyq aýrýhananyń bas dárigeriniń mindetin atqarýshy etip Shyńǵys Bolatulyn qoıdyq»,- dedi Ashan Baıdývalıev.

Tilshilerdiń osy qylmysqa qanshalyqty senesiz degen saýalyna basqarma basshysy dál qazir eshteńe aıta almaıtynyn, moraldyq-etıkalyq normalardy saqtaý kerektigin aıtyp ótti. Sondaı-aq, ýaqytsha tergeý abaqtysyna qamalǵan bas dáriger Abylaı Donbaıǵa qandaıda bir minezdeme berýden bas tartyp, tergeýdiń sońyn kútýge shaqyrdy.

«Qazir men eshteńe aıta almaımyn, kóreıik, barlyǵyn kúteıik. Minezdemeni de bere almaımyn. Bári anyqtalǵan soń, biz resmı túrde jarııalaımyz»,- dedi basqarma basshysy.

Aıta keteıik, kúni keshe elimizdiń ІІM Tergeý departamenti Shymkent qalalyq №1 klınıkalyq aýrýhanasynyń bas dárigeri ýaqytsha oqshaýlaǵyshqa qamaǵanyn habarlaǵan bolatynbyz. Oǵan QR QK 264-baby 2-tarmaǵynda (transulttyq qylmystyq topqa qatysý) jáne 116-baby 3-tarmaǵynda (adam aǵzasyn zańsyz alý) kózdelgen qylmystyq quqyq buzýshylyqqa jol berdi degen aıyp taǵylǵany jarııa etilgen. Vedomstvonyń málimetinshe, sotqa deıingi tergeý barysynda 2017-2018 jyldary Qazaqstan aýmaǵynda uıymdastyrýshysy shet memlekettiń azamaty bolyp tabylatyn qylmystyq top adam aǵzalaryn transplantatsııalaý boıynsha áreket etken. Donor retinde turmystyq aýyr jaǵdaıǵa tap bolýy saldarynan búırekterin satýǵa májbúr bolǵan Ózbekstan, Qyrǵyzstan, Ýkraına azamattary tartylǵan. Al retsıpıentter alys shet elderdiń, negizinen Izraıldiń qaltaly azamattary bolǵan.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT