Shymkentte balalar joǵalyp jatyr degen aqparat jalǵan - polıtsııa
2022 jylǵy 1 shilde 10:43

Shymkentte balalar joǵalyp jatyr degen aqparat jalǵan - polıtsııa

ShYMKENT. QazAqparat - Shymkent qalalyq polıtsııa departamenti qaladaǵy balalardyń joǵalýyna baılanysty taralyp jatqan aqparat jalǵan ekendigin málimdedi, dep habarlaıdy QazAqparat tilshisi.

Kesheli beri «WhatsApp» messendjerinde Shymkent qalasynda balalardyń joǵalyp jatqany týraly aýdıojazba tarady. Al, Shymkent qalasynyń Polıtsııa departamenti qala aýmaǵynda balalardyń joǵalý faktileri tirkelmegenin resmı túrde habarlady.

«Taralyp jatqan aqparat shyndyqqa janaspaıdy. Osyǵan baılanysty, azamattardan áleýmettik jelilerdegi jalǵan aqparatqa emes, tek resmı derekkózderge senýdi suraımyz» - delingen Shymkent qalalyq polıtsııa departamenti taratqan habarlamada.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT